მოვუწოდებთ შს მინისტრს, დაუყოვნებლივ გააკეთოს განცხადება კადრებზე, სადაც ჩანს, თუ როგორ უსწორდებიან სპეცრაზმელები მოქალაქეს — საია
![](http://joey.on.ge/2024/05/13/441496120_854150236757000_6277616835931234901_n.jpg)
რა ხდება: საქართველოს ახალგაზრდა იურისტთა ასოციაცია ეხმაურება ტვ პირველის მიერ გავრცელებულ კადრებს, სადაც ჩანს, თუ როგორ უსწორდებიან სპეცრაზმელები ძირს დაგდებულ მოქალაქეს.
- საია მიმართავს შინაგან საქმეთა მინისტრს, ვახტანგ გომელაურს, დაუყოვნებლივ გააკეთოს განცხადება მომხდართან დაკავშირებით და აღკვეთოს მსგავსი პრაქტიკა:
- "წინააღმდეგ შემთხვევაში, ნათელი ხდება, რომ შინაგან საქმეთა სამინისტროს მაღალჩინოსნებისგან ტარდება შემწყნარებლური პოლიტიკა, რაც ასეთი ფაქტების პირდაპირი წახალისებაა".
დეტალები: საია ასევე, მიმართავს სპეციალური საგამოძიებო სამსახურის უფროსს, კოკა კაციტაძეს, რომ გაატაროს ეფექტიანი გამოძიება 2024 წლის 13 მაისის დილით მომხდარ ძალადობის ფაქტებზე.
- "ამ უწყების [სპეციალური საგამოძიებო სამსახურის] არასათანადო რეაგირება, ასევე, თამაშობს წამახალისებელ როლს სამართალდამცავთა მიერ ჩადენილ სერიოზულ უფლებადარღვევებზე", — წერს საია.
რა ხდება ახლა პარლამენტთან: ქართული ოცნების დეპუტატები, რომლებმაც რუსული კანონი დღეს საკომიტეტო სხდომაზე მესამე მოსმენით უნდა მიიღონ, პარლამენტის შენობაში შედიან.
- რუსულ კანონზე, მესამე მოსმენით, დღეს იურიდიულ საკითხთა კომიტეტის სხდომაზე იმსჯელებენ
- სხდომა 9 საათზე უნდა დაიწყოს.
- ხვალ კი კანონი ბოლო, მესამე მოსმენით, პლენარულ სხდომაზე გავა.
მსგავსი: დეპუტატები პარლამენტში მიდიან — ისინი საკანონმდებლო ორგანოში გვერდითა შესასვლელებიდან შედიან
კონტექსტი: ტელეკომპანია პირველმა გაავრცელა ვიდეო კადრები, სადაც ჩანს თუ როგორ უსწორდებიან, რიგრიგობით, სპეცრაზმელები ძირს დაგდებულ მოქალაქეს.
- იქამდე, პარლამენტთან, ჭიჭინაძის ქუჩის მხარეს დაძაბულობა იყო — კრიმინალური პოლიციის თანამშრომლებმა აქციის მონაწილეების დაკავება ძალის გამოყენებით სცადეს.
- ტელევიზიების კადრებში ჩანს, თუ როგორ ურტყამდნენ თავში სამართალდამცველები ერთ მანიფესტანტს.
- ამ დროისთვის, უცნობია, რამდენი ადამიანი დააკავა პოლიციამ.
გაიგე მეტი: პარლამენტთან დაძაბულობა იყო — პოლიცია აქციის მონაწილეების დაკავებას ძალის გამოყენებით ცდილობდა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები