რა ხდება: პარლამენტთან, ჭიჭინაძის ქუჩის მხარეს დაძაბულობა იყო — კრიმინალური პოლიციის თანამშრომლებმა აქციის მონაწილეების დაკავება ძალის გამოყენებით სცადეს.

  • ტელევიზიების კადრებში ჩანს, თუ როგორ ურტყამდნენ თავში სამართალდამცველები ერთ მანიფესტანტს.

დეტალები: ამ დროისთვის, უცნობია, რამდენი ადამიანი დააკავა პოლიციამ.

  • მანამდე, შსს-მ განცხადება გაავრცელა — მოუწოდა აქციის ორგანიზატორებსა და მონაწილეებს, გაათავისუფლონ საკანონმდებლო ორგანოს შესასვლელები, წინააღმდეგ შემთხვევაში, თქვეს, რომ საპოლიციო ძალებით გაათავისუფლებდნენ პარლამენტის შესასვლელებს.

აქციის შესახებ: საქართველოს პარლამენტთან მშვიდობიანი საპროტესტო აქცია, სახელწოდებით — გავათენოთ საქართველოსთვის, 12 მაისს, 22:00 საათიდან დაიწყო.

  • შეკრებილებს, პარლამენტის შენობის წინ დამონტაჟებული სცენიდან, საზოგადოებისთვის ცნობილი სხვადასხვა პირები მიმართავდნენ.
  • დემონსტრანტებმა განაცხადეს, რომ პარლამენტის შენობასთან გაათენებენ ღამეს, რადგან 13 მაისს საქართველოს ღიად ანტიდასავლური ხელისუფლება რუსული კანონის მესამე საკომიტეტო მოსმენას გეგმავს. პლენარულ სხდომაზე კი კანონი სამშაბათს, 14 მაისს გავა ბოლო, მესამე მოსმენით.