რა ხდება: ქართული ოცნების დეპუტატები, რომლებმაც რუსული კანონი დღეს საკომიტეტო სხდომაზე მესამე მოსმენით უნდა მიიღონ, პარლამენტის შენობაში შედიან.

დეტალები: პარლამენტარები საკუთარ სამსახურში პოლიციის დახმარებით შედიან — სამართალდამცველები ჭიშკრების მიმდებარე პერიმეტრზე დგანან, რათა მანიფესტანტები, რომლებმაც ღამე გაათენეს რუსთაველზე, მათთან ახლოს არ მივიდნენ.

  • პირველი, ვინც პარლამენტის ეზოში მედიის კამერებმა დააფიქსირა, ოცნების დეპუტატი, ბეჟან წაქაძეა.
  • გამოჩნდა რიმა ბერაძეც.
  • მანიფესტანტები მათ ხვდებიან შეძახილებით "მონებო", "რუსებო".

მოგვიანებით, პარლამენტის შიდა ეზოში დააყენეს სახანძროს მანქანა, რომ ჟურნალისტებს კადრების გადაღების საშუალება არ ჰქონდეთ.

ბოლო ხაზი: რუსულ კანონზე, მესამე მოსმენით, დღეს იურიდიულ საკითხთა კომიტეტის სხდომაზე იმსჯელებენ

  • სხდომა 9 საათზე უნდა დაიწყოს.
  • ხვალ კი კანონი ბოლო, მესამე მოსმენით, პლენარულ სხდომაზე გავა.