მოკლედ: საქართველოს კულტურისა და ხელოვნების სფეროს წარმომადგენლებმა შექმნეს პეტიცია, სადაც მოითხოვენ, რომ შეჩერდეს რუსული კანონის ხელახლა განხილვა და შეწყდეს იმ ადამიანებზე ზეწოლა, ვინც ღიად და თამამად გამოხატა რუსული კანონის მიუღებლობა.

დეტალები: პეტიციის ავტორები წერენ, რომ არ შეურიგდებიან საქართველოს პროდასავლური კურსის ეჭვქვეშ დაყენებას და კონსტიტუციისა და დემოკრატიის პრინციპების უარყოფას:

  • "მაშინ, როცა ხელისუფლების ანტიდასავლური რიტორიკა და გადაწყვეტილებები აშკარა ანტისახელმწიფოებრივ ამოცანებს ისახავს მიზნად, ყოველი ადამიანის ვალია, გამოავლინოს საკუთარი მოქალაქეობრივი პასუხისმგებლობა და პოლიტიკური პოზიცია".

ბოლო ხაზი: გუშინ, 12 აპრილს, რუსული კანონის წინააღმდეგ, მასწავლებელთა პეტიციაც შეიქმნა:

  • "დაპირების მიუხედავად, საქართველოს ხელისუფლება ისევ მზადაა მიიღოს რუსული კანონი, რაც საბოლოოდ შეაფერხებს საქართველოს ევროინტეგრაციის პროცესს, ჩვენი ქვეყნის მრავალი თაობის ბრძოლითა და თავგანწირვით გაჩენილ შესაძლებლობას, საქართველო ევროპულ ოჯახს დაუბრუნდეს".

რუსული კანონის ქრონოლოგია:

2024 წლის 3 აპრილი

  • ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.

8 აპრილი

9 აპრილი

11 აპრილი

  • ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა. საკომიტეტო მოსმენა ორშაბათს, 15 აპრილს არის დაგეგმილი, პლენარულ სხდომაზე პირველი მოსმენის სავარაუდო თარიღი კი 16 აპრილია.

15 აპრილს, საკომიტეტო მოსმენის პარალელურად, თბილისში საპროტესტო აქცია იგეგმება.