2027 წლის სახელმწიფო ბიუჯეტის პროექტის თანახმად, მომდევნო წელს საჯარო სექტორში დასაქმებულთა ხელფასების 8.5%-იანი ზრდაა დაგეგმილი. ხელფასების ზრდა შეეხება ყველა კატეგორიის საჯარო მოხელეს, მათ შორის უმაღლესი პოლიტიკური თანამდებობის მქონე პირებს, როგორც აღმასრულებელ, ისე საკანონმდებლო ხელისუფლებაში.

საქართველოში თანამდებობის პირთა ხელფასები მიბმულია საჯარო სამსახურის საბაზო ანაზღაურებაზე. 2026 წელს საბაზო ხელფასი თვეში 1 600 ლარს შეადგენდა, ხოლო 2027 წლიდან ის 1 735 ლარამდე გაიზრდება. აღნიშნული საბაზო მაჩვენებელი მრავლდება კონკრეტული თანამდებობისთვის განსაზღვრულ კოეფიციენტზე, რის შედეგადაც ავტომატურად იზრდება როგორც რიგითი საჯარო მოხელეების, ისე პოლიტიკური თანამდებობის პირების ანაზღაურება.

შედეგად პრეზიდენტის, პარლამენტის თავმჯდომარის და პრემიერის ხელფასები მომავალი წლიდან 16 000 ლარიდან 17 350 ლარამდე გაიზრდება. მინისტრების ხელფასები 13 600 ლარიდან 14 747,5 ლარამდე ეზრდებათ.

bm.ge-მ დათვალა, ვის რამდენით ეზრდება ხელფასი მომდევნო წლის იანვრიდან:

პრეზიდენტი — წლიური ხელფასი: 208 200 ლარი; 2026 წელთან შედარებით ზრდა: 16 200 ლარი (კოეფიციენტი: 10)
პრემიერმინისტრი — წლიური ხელფასი: 208 200 ლარი; ზრდა: 16 200 ლარი (კოეფიციენტი: 10)
მინისტრი — წლიური ხელფასი: 176 970 ლარი; ზრდა: 13 770 ლარი (კოეფიციენტი: 8.5)
მინისტრის პირველი მოადგილე — წლიური ხელფასი: 156 150 ლარი; ზრდა: 12 150 ლარი (კოეფიციენტი: 7.5)
მინისტრის მოადგილე — წლიური ხელფასი: 150 735 ლარი; ზრდა: 11 535 ლარი (კოეფიციენტი: 7.5)
პარლამენტის თავმჯდომარე — წლიური ხელფასი: 208 200 ლარი; ზრდა: 16 200 ლარი (კოეფიციენტი: 10)
პარლამენტის თავმჯდომარის პირველი მოადგილე — წლიური ხელფასი: 191 544 ლარი; ზრდა: 14 904 ლარი (კოეფიციენტი: 9.2)
პარლამენტის თავმჯდომარის მოადგილე — წლიური ხელფასი: 187 380 ლარი; ზრდა: 14 580 ლარი (კოეფიციენტი: 9)
პარლამენტის კომიტეტის თავმჯდომარე — წლიური ხელფასი: 178 452 ლარი; ზრდა: 13 332 ლარი (კოეფიციენტი: 8.6)
პარლამენტის კომიტეტის თავმჯდომარის პირველი მოადგილე — წლიური ხელფასი: 172 602 ლარი; ზრდა: 13 242 ლარი (კოეფიციენტი: 8.3)
პარლამენტის კომიტეტის თავმჯდომარის მოადგილე — წლიური ხელფასი: 170 634 ლარი; ზრდა: 13 194 ლარი (კოეფიციენტი: 8.2)
პარლამენტის საპარლამენტო ფრაქციის თავმჯდომარე — წლიური ხელფასი: 176 970 ლარი; ზრდა: 13 770 ლარი (კოეფიციენტი: 8.5)
პარლამენტის საპარლამენტო ფრაქციის თავმჯდომარის მოადგილე — წლიური ხელფასი: 168 507 ლარი; ზრდა: 12 987 ლარი (კოეფიციენტი: 8.1)
პარლამენტის წევრი — წლიური ხელფასი: 166 560 ლარი; ზრდა: 12 960 ლარი (კოეფიციენტი: 8)