Tesla, Inc. (TSLA) ელექტრომობილების ერთ-ერთი უმსხვილესი მწარმოებელი კომპანიაა, რომელიც განსაკუთრებით მას შედეგ განვითარდა, როდესაც აქციებით ვაჭრობა დაიწყო. ილონ მასკის ხელმძღვანელობით კომპანიამ IPO 2010 წელს გამოაცხადა და ინვესტორებს საკუთარი ფასიანი ქაღალდების ყიდვა შესთავაზა.

Tesla უმთავრესად ელექტრომანქანების, ჯიპებისა და სატვირთოებს მწარმოებელი და გამყიდველი კომპანიაა. თუმცა, ამის მიღმა მან საქმიანობა ენერგიის გამომუშავებისა და შენახვის სისტემების შექმნის მიმართულებითაც დაიწყო.

მიმდინარე წლის თებერვლის მდგომარეობით კომპანიის წლიურმა შემოსავალმა 96 მილიარდი დოლარი შეადგინა. ამასთან, მისი წმინდა მოგება $15 მილიარდი იყო. არსებული მონაცემებით, Tesla-ს საბაზრო კაპიტალიზაცია 562მილიარდი დოლარია. მის ერთ აქციას კი 174.26 დოლარად ივაჭრება.

სტატიის მომდევნო ნაწილში კომპანიის იმ მეწილეების შესახებ გიყვებით, რომლებიც Tesla-ს ყველაზე მეტ აქციას ფლობენ.

ტოპ-3 აქციონერი ფიზიკურ პირებს შორის

ილონ მასკი Tesla-ს აღმასრულებელი დირექტორი და უმსხვილესი აქციონერია. მასკი კომპანიის 715 მილიონ აქციას ფლობს, რაც სრულად გამოშვებული ფასიანი ქაღალდების 23%-ია. აქციების ეს რაოდენობა სამჯერ აღემატება სხვა უმსხვილესი აქციონერების მფლობელობაში არსებულ ფასიან ქაღალდებს. მასკი გარდა იმისა, რომ Tesla-ს თანადამფუძნებელი და დირექტორია, ასევე ხელმძღვანელობს SpaceX-ს, Neuralink-სა და The Boring Company-ს. Forebes-ის მიხედვით, მასკი ამჟამად მსოფლიოს უმდიდრეს ადამიანებს შორის მეორე ადგილზე — მისი ქონება დაახლოებით 205 მილიარდ დოლარად არის შეფასებული.

კიმბელ მასკი ილონ მასკის უმცროსი ძმაა, რომელიც ჯამში 1.6 მილიონ Tesla-ს აქციას ფლობს — ეს მთლიანი აქციებს 1%-ზე ნაკლებია. კიმბელი კომპანიის დირექტორთა საბჭოს წევრიც არის. ის, ასევე, The Kitchen-ის დამფუძნებელია. კიმბელ მასკი მუშაობს Chipotle Mexican Grill-ის, Inc-სა და SpaceX-ის დირექტორთა საბჭოებშიც.

ჯეფრი სტრაუბელი Tesla-ს 276,000 ცალ აქციას ფლობს, რომელთა საერთო ღირებულება 55 მილიონი დოლარია. აქციების ეს მოცულობა მთლიანი წილების 0,01%-ზე ნაკლებს შეადგენს. ვიდრე ის 2019 წელს მრჩევლის თანამდებობაზე გადავიდოდა, კომპანიის მთავარი ტექნოლოგიური დირექტორის თანამდებობას იკავებდა. გარდა ამისა, ის არის 2017 წელს დაარსებული Redwood Materials-ის დირექტორი. ამასთან, სტრაუბელი სხვადასხვა დროს SolarCity-ისა და QuantumScape-ის ბორდის წევრის თანამდებობასაც იკავებდა.

ტოპ-3 ინსტიტუციური აქციონერი

Vanguard Group ფლობს Tesla-ს დაახლოებით 230 მილიონ აქციას, რაც კომპანიის ფასიანი ქაღალდების 7,2%-ია. ჯამში Vanguard-ის ინვესტიციების ღირებულება 46 მილიარდი დოლარია. ეს კომპანია მსოფლიოში ერთ-ერთი ყველაზე მსხვილი აქტივების განმკარგველია — შესაბამისად, კომპანიის წილების უმეტესი ნაწილი მისი კლიენტების საკუთრებაა, რომლებსაც საკუთარი ფული Vanguard-ის სხვადასხვა ფონდში აქვთ დაბანდებული. Vanguard-ი ჯამში 7,6 ტრილიონი დოლარის გლობალურ აქტივებს მართავს.

BlackRock Inc. მსოფლიოში კიდევ ერთი აქტივების უმსხვილესი მმართველი კომპანიაა, რომელიც Tesla-ს 188 მილიონ აქციას ფლობს — ეს კომპანიის ჯამური მოცულობის 5,9%-ია. მსგავსად Vanguard-ისა, BlackRock-იც არ არის Tesla-ს აქციების პირდაპირი მფლობელი — ის იმ ათასობით ინვესტორის სახელით მართავს აღნიშნულ ფასიან ქაღალდებს, რომლებიც BlackRock-ის ფონდებში საკუთარ ფულად სახსრებს აბანდებენ. უნდა ითქვას, რომ ჯამში BlackRock-ის პორტფელი 9,4 ტრილიონი დოლარის აქტივებისგან შეგდება.

State Street Corporation ილონ მასკის კომპანიის ინსტიტუციურ ინვესტორებს შორის მესამე ადგილზეა. ის კომპანიის 108 მილიონ აქციას ფლობს, რაც მთლიანი აქციების 3,4%-ს შეადგენს. State Street საინვესტიციო მომსახურების გამწევი კომპანიაა, რომელიც ჯამში 3,7 ტრილიონი დოლარის აქტივებს მართავს.

Tesla ინვესტორების მხრიდან მუდმივად ყურადღების ცენტრშია. ის იმ 10 ყველაზე პოპულარულ აქციას შორისაც შედის, რომლებსაც საქართველოს ბანკის მობილბანკის საშუალებით ყიდულობენ. მობილბანკში მსოფლიოს წამყვანი კომპანიების აქციების შეძენა შეგიძლია შენც — აქ ინვესტირების დაწყება მინიმალური თანხით არის შესაძლებელი.

საქართველოს ბანკის მობილბანკში 6000-მდე ცნობილი კომპანიის აქციის შეძენა არის შესაძლებელი. შენც შეგიძლია დაიწყო ინვესტირება ნებისმიერი თანხით და გახდე ისეთი ცნობილი კომპანიების აქციონერი, როგორებიცაა: Apple, Amazon, Microsoft, Tesla, Google და სხვა.

*ეს არ არის ფინანსური რჩევა