მოკლედ: ამერიკის შეერთებულმა შტატებმა ვეტო დაადო არაბული ქვეყნების მიერ მხარდაჭერილ გაეროს რეზოლუციას, რომელიც ღაზის სექტორში ცეცხლის დაუყოვნებლივ შეწყვეტას მოითხოვდა.

დეტალები: რეზოლუციას უშიშროების საბჭოს 15 წევრიდან 13-მა დაუჭირა მხარი, გაერთიანებულმა სამეფომ თავი შეიკავა.

  • ეს უკვე მესამე შემთხვევაა, როდესაც ღაზაში ცეცხლის შეწყვეტის შესახებ რეზოლუციას ამერიკამ ვეტო დაადო.
  • ბაიდენის ადმინისტრაციამ კენჭისყრამდე თქვა, რომ ვეტოს დაადებდა რეზოლუციას იმის გამო, რომ მიღების შემთხვევაში, ის ხელს შეუშლის მეომარ მხარეებს შორის შეთანხმების მიღწევას, რომელიც მიზნად ისახავს საომარი მოქმედებების მინიმუმ 6 კვირით შეჩერებას და ყველა მძევლის გათავისუფლებას.

რა ვითარებაა ახლა ღაზაში: კვების პრობლემა ღაზის სექტორში ორსული ქალებისთვის და ბავშვებისთვის სულ უფრო ღრმავდება.

  • Global Nutrition Cluster-ის ანგარიშის მიხედვით, ღაზაში ოჯახების 80 პროცენტზე მეტს დღეში 1 ლიტრზე ნაკლებ უსაფრთხო წყალზე აქვს წვდომა.
  • ასევე, გაზრდილია საკვებით მოწამვლის რისკი.
  • არასამთავრობო ორგანიზაციის ინფორმაციით, ჩრდილოეთ ღაზაში ექვსიდან ერთი ბავშვი საკვების მწვავე ნაკლებობის პრობლემის წინაშეა და დაახლოებით 3% სასწრაფო მკურნალობას საჭიროებს.
ღაზაში, ბავშვების ნაწილისთვის საკვები ძნელად ხელმისაწვდომია

ღაზაში, ბავშვების ნაწილისთვის საკვები ძნელად ხელმისაწვდომია

ფოტო: AP/Euronews

ბოლო ხაზი: მსხვერპლმა ღაზის სექტორში 29 ათასს გადააჭარბა.

  • ისრაელის პრემიერ-მინისტრი ბენიამინ ნეთანიაჰუ, მზარდი საერთაშორისო ზეწოლის მიუხედავად, აპირებს შეიჭრას ეგვიპტის საზღვართან მდებარე ქალაქ რაფაში, სადაც ჩრდილოეთიდან გაქცეული მოსახლეობა აფარებს თავს.