ხელოვნურმა ინტელექტმა, მათ შორის ყველაზე პოპულარულმა, ChatGPT-მ, ხატვა უკვე ძალიან კარგად ისწავლა, რასაც ინტერნეტის მომხმარებლები ძალიან კრეატიული მიზნებისთვის იყენებენ.

სოციალურ ქსელებში ხელოვნური ინტელექტის მიერ დახატულ ილუსტრაციებს ყოველდღიურად ვხვდებით. გამოსახულებების ზოგი სტილი ინტერნეტს ვირუსივით მოედო და ტრენდად იქცა, მაგალითად, სტუდიო გიბლის საავტორო სტილში შესრულებული ნახატები.

Starter Pack-ები, ანუ "საწყისი პაკეტები", ხელოვნური ინტელექტის მიერ გენერირებული ილუსტრაციების ახალი ტრენდია. ამ ტრენდის მიხედვით ადამიანები თავიანთი თავების ან სხვების აღწერას ხელოვნურ ინტელექტს რამდენიმე სახასიათო შტრიხით სთხოვენ.

ტრენდს არც ჩვენ ჩამოვრჩით და ChatGPT-ს ქართულ პოლიტიკაში ცნობილი სახეების ილუსტრირება ვთხოვეთ.