ჯოან როულინგი, ყველაზე პოპულარული ფენტეზის, ჰარი პოტერის ავტორი, რომელიც ბოლო წლებში კრიტიკის ქვეშ მოექცა ტრანსფობიური განცხადებების გამო, სოციალურ ქსელში აქვეყნებს ფოტოს, რომელშიც შამპანურითა და სიგარით აღნიშნავს დიდი ბრიტანეთის უზენაესი სასამართლოს გადაწყვეტილებას, ქალის იურიდიული განმარტება განისაზღვროს მისი ბიოლოგიური სქესით.

"მიყვარს, როცა გეგმები სრულდება," — ასათაურებს მწერალი ფოტოს.

გაერთიანებული სამეფოს უზენაესი სასამართლო გადაწყვეტილებას როულინგმა X-ზე ათეულობით პოსტი მიუძღვნა. "დიდი ბრიტანეთის უზენაესი სასამართლოს დღევანდელი გამარჯვებულები: ქალები და გოგოები — მათ შორის ქალები, რომლებიც ტრანსგენდერებად მიიჩნევენ თავს (და დედების უფლებებით სარგებლობენ), გეი ადამიანები, სიტყვის თავისუფლება, ასოციაციის თავისუფლება, ისინი, ვინც სქესის მატერიალური რეალობის გამო დისკრიმინაციის საფრთხის ქვეშ იყვნენ" — წერს ჰარი პოტერის ავტორი.

როულინგი ქალთა უფლებების სახელით ტრანსგენდერთა წინააღმდეგ უკვე დიდი ხანია, იბრძვის. ის თავს TERF-ად (ტრანს-ექსკლუზიურ რადიკალ ფემინისტად) მიიჩნევს და ფიქრობს, რომ სოციუმში ტრანსგენდერთა გაძლიერება ქალების ინტერესებს ეწინააღმდეგება, საფრთხეს უქმნის მათ უსაფრთხოებას. წლების განმავლობაში მისი განცხადებები ბევრმა ყოფილმა ფანმა და მსახიობმა, მათ შორის დენიელ რედკლიფმა, ემა უოტსონმა და რუპერტ გრინტმა დაგმო.