პრეზიდენტი ტრამპის დიპლომატიური წარმომადგენელი სტივ უიტკოფი რუსეთში გაემგზავრა და მოსალოდნელია, რომ პარასკევს პრეზიდენტ ვლადიმერ პუტინს შეხვდება, — ამის შესახებ AXIOS წერს.

მათ ცნობით, უიტკოფისა და პუტინის მესამე შეხვედრაზე მთავარი სასაუბრო თემა უკრაინაში ცეცხლი შეწყვიტა იქნება.

AXIOS-ს ინფორმაციით, თუ თვის ბოლომდე უკრაინაში ცეცხლის შეწყვეტა არ იქნება მიღწეული, ტრამპმა შეიძლება დამატებითი სანქციები დაუწესოს რუსეთს აღმასრულებელი ხელისუფლების მეშვეობით, ან კონგრესს სთხოვს ახალი სანქციების კანონმდებლობის მიღებას.

"ჩვენ გავიგებთ მალე, რამდენიმე კვირაში და არა თვეში, არის თუ არა რუსეთი სერიოზულად განწყობილი სამშვიდობო ხელშეკრულებისადმი. იმედი მაქვს, რომ ისინი ასე იქნებიან", — განაცხადა აშშ-ის სახელმწიფო მდივანმა მარკო რუბიომ გასულ კვირას ბრიუსელში NATO-ს სამიტის ფარგლებში.

კრემლის სპიკერმა დიმიტრი პესკოვმა ჟურნალისტებს განუცხადა, რომ პუტინი პარასკევს გეგმავს "უაღრესად მნიშვნელოვანი" შეხვედრის გამართვას რუსეთის საზღვაო ძალების განვითარების შესახებ.

შეგახსენებთ, 13 მარტის უიტკოფი მოსკოვში უკრაინაში 30-დღიანი ცეცხლის შეწყვეტის შეთანხმების განხილვისთვის ჩაფრინდა. კრემლმა მაშინ განაცხადა, რომ შეხვედრისას შეთანხმდნენ, რომ პუტინსა და ტრამპს შორის სატელეფონო საუბარი შედგებოდა.