მოკლედ: ბათუმის საქალაქო სასამართლოს გადაწყვეტილებით, პირი, რომელიც შშმ პირის გაუპატიურების ბრალდებით დააკავეს, გირაოს სანაცვლოდ გათავისუფლება. ინფორაცია On.ge-ს საქართველოს პროკურატურამ დაუდასტურა.

  • ადგილობრივი მედიის, აჭარა თაიმსის ინფორმაციით, სასამართლომ გაუპატიურების ბრალდებით დაკავებული 50 000-ლარიანი სანაცვლოდ გაათავისუფლა.

დეტალები: პროკურატურამ On.ge-ს უთხრა, რომ ბათუმის საქალაქო სასამართლოს ამ გადაწყვეტილებას სააპელაციო სასამართლოში გაასაჩივრებს.

რა ვიცით დანაშაულის შესახებ: სამართალდამცავებმა 7 თებერვალს დააკავეს პირი, რომელმაც, გამოძიების თანახმად, შეზღუდული შესაძლებლობის მქონე პირი გააუპატიურა.

  • 9 თებერვალს, პროკურატურამ ფაქტზე დაკავებულს ბრალდება წარუდგინა და ბრალდებულისთვის აღკვეთის ღონისძიების სახით პატიმრობის გამოყენების მოთხოვნით, ბათუმის საქალაქო სასამართლოს მიმართა.
  • დაკავებულს ბრალი წარედგინა წინასწარი შეცნობით შეზღუდული შესაძლებლობის მქონე პირის გაუპატიურებასა და სექსუალური ხასიათის სხვაგვარ ქმედებაში.
  • კანონით, სასჯელის სახედ და ზომად 10-დან 13 წლამდე თავისუფლების აღკვეთაა გათვალისწინებული.

მსგავსი: შშმ პირის გაუპატიურების ფაქტზე ერთ პირს ბრალი წარედგინა

საჭირო ინფორმაცია: თუ მოულოდნელად ძალადობრივ სიტუაციაში აღმოჩნდი, გადმოწერილი გქონდეს მობილური აპლიკაცია Safe You. მისი მეშვეობით, შენ ერთი ღილაკის დაჭერით შეძლებ დახმარება სთხოვო მეგობრებს, პოლიციას, არასამთავრობო ორგანიზაციების იურისტებს. გადმოიწერე აპლიკაცია და იყავი დაცული.

პოლიციის გამოძახება შესაძლებელია 112-ზე დარეკვით. ზარი უფასოა. შესაძლებელია 112-ის აპლიკაციის გადმოწერაც, სადაც ღილაკზე SOS დაჭერით პოლიციასთან შეტყობინება შევა და სამართალდამცველები ლოკაციის მიხედვით გიპოვიან.