რა ხდება: სამართალდამცავებმა 7 თებერვალს დააკავეს პირი, რომელმაც, გამოძიების თანახმად, შეზღუდული შესაძლებლობის მქონე პირი გააუპატიურა.

  • დღეს, 9 თებერვალს, პროკურატურამ ფაქტზე დაკავებულს ბრალდება წარუდგინა.

დეტალები: სამართალდამცავებმა დაკავებულს ბრალი საქართველოს სისხლის სამართლის კოდექსის 137-ე მუხლის მესამე ნაწილის ,"დ"’ და 138-ე მუხლის მეორე ნაწილის "დ"’ ქვეპუნქტებით წარედგინეს, რაც წინასწარი შეცნობით შეზღუდული შესაძლებლობის მქონე პირის გაუპატიურებასა და სექსუალური ხასიათის სხვაგვარ ქმედებას გულისხმობს.

  • კანონით, სასჯელის სახედ და ზომად 10-დან 13 წლამდე თავისუფლების აღკვეთაა გათვალისწინებული.
  • პროკურატურამ ბრალდებულისთვის აღკვეთის ღონისძიების სახით პატიმრობის გამოყენების მოთხოვნით, ბათუმის საქალაქო სასამართლოს უკვე მიმართა.
  • სისხლის სამართლის საქმეზე გამოძიება გრძელდება.

საჭირო ინფორმაცია: თუ მოულოდნელად ძალადობრივ სიტუაციაში აღმოჩნდი, გადმოწერილი გქონდეს მობილური აპლიკაცია Safe You. მისი მეშვეობით, შენ ერთი ღილაკის დაჭერით შეძლებ დახმარება სთხოვო მეგობრებს, პოლიციას, არასამთავრობო ორგანიზაციების იურისტებს. გადმოიწერე აპლიკაცია და იყავი დაცული.

პოლიციის გამოძახება შესაძლებელია 112-ზე დარეკვით. ზარი უფასოა. შესაძლებელია 112-ის აპლიკაციის გადმოწერაც, სადაც ღილაკზე SOS დაჭერით პოლიციასთან შეტყობინება შევა და სამართალდამცველები ლოკაციის მიხედვით გიპოვიან.