გასული კვირა პოლიტიკისა და პოპკულტურისთვის საკმაოდ დატვირთული აღმოჩნდა. თუ შენც სხვებთან ერთად საცობში იდექი და იმდენი დრო არ გქონდა, რომ ყველა ახალი ამბისთვის თვალი გედევნებინა, ამაზე ღელვა არ ღირს. ამ სტატიაში წინა კვირიდან 8 მნიშვნელოვან ამბავს მოგიყვებით:

1. საქართველო ევროკავშირის წევრობის კანდიდატი გახდა

14 დეკემბერს ევროკავშირმა საქართველოს კანდიდატი ქვეყნის სტატუსი მიანიჭა. გადაწყვეტილება ევროკავშირის ქვეყნების პოლიტიკურმა ლიდერებმა ბრიუსელში მიმდინარე სამიტისას მიიღეს.

უფრო ვრცლად წაიკითხე აქ.

2. Brooklyn Nine-Nine-ის მსახიობი ანდრე ბრაუერი 61 წლის ასაკში გარდაიცვალა

ამერიკელი მსახიობი ანდრე ბრაუერი ხანმოკლე ავადმყოფობის შემდეგ 61 წლის ასაკში გარდაიცვალა. Brooklyn Nine-Nine-ში შესრულებული როლისთვის ბრაუერმა Critics Choice Awards-ზე 4-ჯერ გაიმარჯვა და ემის ორი ნომანაციაც მოიპოვა.

უფრო ვრცლად წაიკითხე აქ.

3. Nini Iris ამერიკულ The Voice-ს გამოეთიშა

ნინი ბრეგვაძე, რომლის სასცენო სახელიც Nini Iris-ია, ამერიკულ The Voice-ს გამოეთიშა. Nini Iris ნახევარფინალის 9 საუკეთესო მონაწილეს შორის იყო, მაგრამ ფინალის 5 კონკურსანტს შორის ვერ მოხვდა, რაც მაყურებელთა ხმების რაოდენობაზე იყო დამოკიდებული.

უფრო ვრცლად წაიკითხე აქ.

4. ეთერში აღარ გავა 7 გადაცემა, მათ შორის, კაცები — საზოგადოებრივი მაუწყებლის განცხადება

საზოგადოებრივი მაუწყებლის ეთერში აღარ გავა შემდეგი გადაცემები: დღის კოდი, გორგილაძის აუტანელი სიმსუბუქე, ფერმა, თავისუფალი ხედვა გიორგი გვიმრაძესთან ერთად, ჰოპლა ჩვენ ვცოცხლობთ, ნატალიასთან და დათუნასთან ერთად, კაცები.

უფრო ვრცლად წაიკითხე აქ.

5. ინტერნეტმა დისნეის სიმღერის ქართულ "თარგმანზე" იხორხოცა

ახლახან დისნეიმ სოციალურ ქსელებში ვიდეო გამოაქვეყნა, რომელშიც This Wish-ის სხვადასხვა ენაზე თარგმნილი ვერსიებია გაერთიანებული. მათ შორის ქართულიც აღმოჩნდა, თუმცა...ქართული სიტყვების გარეშე.

"ჰეი, იეი, იეი, იეი" — ისმის "ქართულ" ვერსიაში პერსონაჟის სიტყვები. სულ ესაა.

უფრო ვრცლად წაიკითხე აქ.

6. ოქროს გლობუსი 2024-ის ნომინანტები დასახელდნენ

ჰოლივუდის უცხოური პრესის ასოციაციამ ოქროს გლობუსის 2024 წლის დაჯილდოების ნომინანტები დაასახელა. ოქროს გლობუსის რიგით 81-ე დაჯილდოება 7 იანვარს გაიმართება.

ნახეთ ნომინანტების სია.

7. საქართველოში ყველაზე პოპულარული წელს Reality პორნო იყო — Pornhub

წელს საქართველომ "ტრადიციას" უღალატა და ყველაზე პოპულარული ლესბოსური პორნოს ნაცვლად ე.წ. "რეალითი" პორნო იყო. Urban Dictionary "რეალითი პორნოს" განმარტავს როგორც "პორნოს, რომელშიც მეტი აქცენტი სიუჟეტზეა, ვიდრე მხოლოდ სექსზე".

უფრო ვრცლად წაიკითხე აქ.

8. მეთიუ პერის გარდაცვალების მიზეზი ცნობილი გახდა

სიტკომ Friends-ის მსახიობი და ჩენდლერის როლის შემსრულებელი 28 ოქტომბერს 54 წლის ასაკში გარდაიცვალა. ის ლოს-ანჯელესში, საკუთარ სახლში იპოვეს.

უფრო ვრცლად წაიკითხე აქ.