რა ხდება: საზოგადოებრივი მაუწყებელი 7 გადაცემას და არხ ტელესკოლას ხურავს.

  • ამის შესახებ მათ მიერ გავრცელებულ განცხადებაშია ნათქვამი.

რომელი გადაცემები აღარ გავა ეთერში: დღის კოდი, გორგილაძის აუტანელი სიმსუბუქე, ფერმა, თავისუფალი ხედვა გიორგი გვიმრაძესთან ერთად, ჰოპლა ჩვენ ვცოცხლობთ, ნატალიასთან და დათუნასთან ერთად, კაცები.

ასევე, ცვლილებებთან დაკავშირებით მოლაპარაკება მიმდინარეობს ექვსივე გარეწარმოების კომპანიასთან.

რას ასახელებენ მიზეზად: საზოგადოებრივი მაუწყებელი წერს, რომ მაუწყებლობის შესახებ კანონში შეტანილი ცვლილებებით შეიცვალა მაუწყებლის დაფინანსების მოდელი და წესი, ასევე 2024 წელს მაუწყებელი იცვლის შენობას და გადადის ახალ მისამართზე, რაც, "უკავშირდება ინფრასტრუქტურულ და ტექნოლოგიურ ცვლილებას, იზრდება ორგანიზაციის კაპიტალური ხარჯები" :

  • "არსებული მოცემულობა ახალი რეალობის წინაშე აყენებს ორგანიზაციას, რომელიც ვალდებულია, ერთი მხრივ, შეინარჩუნოს უწყვეტი მაუწყებლობა, შეასრულოს ნაკისრი შინაარსობრივი ვალდებულებები და, მეორე მხრივ, ახალი გარემოებიდან გამომდინარე, შეცვალოს დაგეგმილი პროგრამირება", — წერია საზოგადოებრივი მაუწყებლის მიერ გავრცელებულ განცხადებაში.
  • ისინი, ასევე, წერენ, რომ კატეგორიულად მიუღებელია რომელიმე გადაცემის ირგვლივ საკითხის პოლიტიზება, "რადგან ამ ეტაპისთვის არსებული ცვლილებებიდან გამომდინარე, თითოეულ გადაცემაზე დანაკლისი ექნება სხვადასხვა ტიპის მაყურებელს, საკუთარი გემოვნებისა და პრეფერენციების მიხედვით".

მსგავსი თემა: პროდიუსერი: "გვითხრეს, რომ რამდენიმე გადაცემა იხურება" — რა ხდება პირველ არხზე