ნინი ბრეგვაძე, რომლის სასცენო სახელიც Nini Iris-ია, ამერიკულ The Voice-ს გამოეთიშა. Nini Iris ნახევარფინალის 9 საუკეთესო მონაწილეს შორის იყო, მაგრამ ფინალის 5 კონკურსანტს შორის ვერ მოხვდა, რაც მაყურებელთა ხმების რაოდენობაზე იყო დამოკიდებული.

"მადლობა The Voice-ს ამ შესანიშნავი გამოცდილებისთვის! მადლობა ნაილ ჰორანს იმისთვის, რომ საუკეთესო მწვრთნელი და მეგობარია. მადლობა ყველას სიყვარულისთვის. ჩემი კარიერა ახლა იწყება", — წერს Nini Iris ფეისბუქზე.

///

შეგახსენებთ, რომ ნახევარფინალში Nini Iris-მა ბილი აილიშის ცნობილი ჰიტი No Time To Die შეასრულა და ჟიურის მოწონებაც დაიმსახურა. მანამდე კი The Voice-ის არაერთ რაუნდში Nini Iris ჟიურის ფავორიტი მონაწილეც გახდა. რაც შეეხება ბრმა კასტინგს, Nini Iris-მა სიმღერის დაწყებიდან სულ რამდენიმე წამში ოთხივე მწვრთნელი შემოატრიალა. საბოლოოდ, ქართველმა მომღერალმა ნაილ ჰორანი აირჩია და გამარჯვებისთვის სწორედ მის გუნდში იბრძოდა.

ამერიკული The Voice-ს ფინალს მაყურებელი შემდეგ კვირაში იხილავს.