მერიის ინფორმაციით: პირველი რესპუბლიკის მოედნიდან თავისუფლების მოედნამდე, 11-12 დეკემბერს საავტომობილო მოძრაობა დროებით შეიზღუდება.

  • ტრანსპორტის გადაადგილება შესაძლებელი იქნება ლეონიძის, ინგოროყვას, ალექსანდრე ჭავჭავაძის, გრიბოედოვის, ბარათაშვილისა და თაბუკაშვილის ქუჩების მეშვეობით.
  • მელიქიშვილის გამზირიდან მთაწმინდის დანარჩენი ქუჩების მიმართულებით მოძრაობა დასაშვები იქნება ჯანაშიას, თარხნიშვილის, ტატიშვილის, ჭოველიძის, ზანდუკელის ქუჩების გავლით და შემდეგ ბარნოვის, გოგებაშვილისა და კაკაბაძეების ქუჩების გამოყენებით.
  • მთაწმინდის რაიონის სხვა ქუჩებიდან მელიქიშვილის გამზირსა და რუსთაველის მეტროს ტერიტორიაზე მოხვედრა შესაძლებელი იქნება გრიბოედოვის, მაყაშვილის, ბარნოვისა და შანიძის ქუჩების გავლით.
  • რუსთაველის მეტროს მიმდებარე ტერიტორიიდან თავისუფლების მეტროსკენ მიმავალი ტრანსპორტი იმოძრავებს მიხეილ ჯავახიშვილის ქუჩისა და მტკვრის მარჯვენა სანაპიროს საშუალებით.