მალე მაყურებელი დონალდ ტრამპის შესახებ გადაღებულ ბიოგრაფიულ ფილმს, სახელად The Apprentice-ს, იხილავს. როგორც ფილმის აღწერიდან ვიგებთ, The Apprentice იმ პერიოდის შესახებ გვიყვება, როცა ახალგაზრდა დონალდ ტრამპმა 1970-იანი წლების ნიუ-იორკში უძრავი ქონების ბიზნესი დაიწყო.

უკვე ცნობილია ფილმში მონაწილე მსახიობების ვინაობაც. ახალგაზრდა ტრამპის როლში სებასტიან სტანს ვიხილავთ, ხოლო მარია ბაკალოვა ივანა ტრამპს განასახიერებს. სწორედ იმ პერიოდში, რომლის შესახებაც ფილმის სიუჟეტი გვიყვება, დონალდ და ივანა ტრამპები საქმიანი პარტნიორები იყვნენ, 1977 წელს კი იქორწინეს. წყვილი 1992 წელს განქორწინდა, 2020 წელს კი ივანა ტრამპი გარდაიცვალა.

ფოტო: Getty Images

The Apprentice-ში ერთ-ერთ მთავარ როლს ჯერემი სტრონგიც შეასრულებს. Variety-ის ინფორმაციით, სტრონგი როი კონს განასახიერებს. როი კონი ცნობილი ადვოკატია, რომელსაც დონალდ ტრამპი კარიერის დასაწყისში საკუთარ მენტორადაც კი თვლიდა.

გარდა იმისა, რომ სებასტიან სტანი მარველის სამყაროს ერთ-ერთი სუპერგმირია, მსახიობი Pam & Tommy-ში შესრულებული როლისთვის ოქროს გლობუსისა და გრემის ნომინაციებში დასახელდა. Borat Subsequent MovieFilm-ში შესრულებული როლისთვის მარია ბაკალოვამ ოსკარი მიიღო, ხოლო ჯერემი სტრონგმა Succession-ში კენდალ როის განსახიერებისთვის ემის ჯილდო მოიპოვა.

The Apprentice-ის პრემიერის თარიღი ამ ეტაპზე უცნობია.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...