რა ვიცით ტარიელ ნაკაიძის ახლად დაფუძნებული პოლიტიკური პარტიის შესახებ
![](http://chandler.on.ge/2023/11/28/0S8A4315-e1680603220366_6565e0fd7989c.jpg)
0
წაკითხვა
0
კომენტარი
0
გაზიარება
მოკლედ: ტარიელ ნაკაიძემ, რეფორმების ჯგუფის წევრმა, პარლამენტის პლენარულ სხდომაზე განაცხადა, რომ 19 ნოემბერს ახალი პოლიტიკური პარტია — რეგიონები საქართველოში დაფუძნდა.
რატომ არის მნიშვნელოვანი: ტარიელ ნაკაიძე აცხადებს, რომ:
- ახალ პოლიტიკურ პარტიაში წარმოდგენილი არიან რელიგიური და ეთნიკური უმცირესობების წარმომადგენლები;
- მთავარი მიზანია, წარმოადგინონ მათ და დაიცვან ქვეყნისა და საზოგადოების ინტერესები.
- "რეგიონები საქართველოსთვის იქნება ყველა ხმაწართმეული სოციალური პრობლემისა და წუხილის დღის წესრიგში ამსახველი პოლიტიკური გაერთიანება, რომლის ყველა წევრს მტკიცედ სჯერა სამართლიანი, თანასწორი და სოლიდური საზოგადოების მნიშვნელობის", — თქვა ნაკაიძემ.
- დეპუტატი ასევე ამბობს, რომ პარტია პროდასავლურია და ქვეყანაში არსებული პოლარიზაციის პირობებში, დადებით წვლილს შეიტანს პოლიტიკურ ცხოვრებაში.
რა ვიცით ტარიელ ნაკაიძის შესახებ
- ის იყო ქართულ მუსლიმთა კავშირის თავმჯდომარე 2008-2020 წლებში.
- 2020-დან არის პარლამენტის დამოუკიდებელი წევრი.
- დეპუტატი ხშირად საუბრობს პარლამენტში უმცირესობების წინაშე არსებული გამოწვევების შესახებ.
- არქივი: 2021 წლის 16 ნოემბერი
- 2023 წლის მარტში, ანტიდასავლური, პრორუსული და ქართული ოცნებისგან ფორმალურად გამიჯნული ხალხის ძალის დეპუტატმა, ვიქტორ ჯაფარიძემ, მას პლენარული სხდომების დარბაზში მიკროფონი ჩაარტყა:
დამოუკიდებელ ოპოზიციურ დეპუტატს არასამთავრობო ორგანიზაციებმა გამოუცხადეს სოლიდარობა, როგორც წლების მანძილზე რელიგიის თავისუფლებისთვის და თანასწორობისთვის მებრძოლს, რომელიც გაბედულად საუბრობს, არა მხოლოდ მუსლიმი თემის, არამედ ყველა ჩაგრული ჯგუფის უფლებებზე.
- ნაკაიძეს პოლიტიკური განცხადებებით დაუპირისპირდა პარტია ქართული ოცნების თავმჯდომარე, ირაკლი კობახიძეც.
- ქართული ოცნება ამოვარდა ყოველგვარი პოლიტიკური სივრცისგან, არის გადასული ძალადობაზე, რადგან ყველანაირი არგუმენტი მათ გამოეცალათ და ცდილობენ, პარლამენტში შეეცადონ ადამიანების, თემის დაშინებას, რომ საზოგადოებას აჩვენონ, ისინი არიან ძლიერები.
- "ამათ უნდათ, რომ გავჩუმდე, უმცირესობებთან დაკავშირებით არ ვისაუბრო, მაგრამ ნურას უკაცრავად, ამას ვერ მივართმევ. მე აუცილებლად ვიქნები შეუპოვარი მებრძოლი ჩვენი ქვეყნის მრავალფეროვნების განმტკიცებისთვის", — თქვა საპასუხოდ ტარიელ ნაკაიძემ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები