საქართველოს ბანკი ბიზნესისთვის ციფრული საბანკო მომსახურების განვითარებას აგრძელებს. ამ მიზნით, ბიზნეს მობილბანკსა და ბიზნეს ინტერნეტბანკს მნიშვნელოვანი ფუნქციონალები დაემატა.

განახლებები მიზნად ისახავს ფინანსების მართვის პროცესის კიდევ უფრო გამარტივებასა და სამომხმარებლო გამოცდილების გაუმჯობესებას.

ძირითადი სიახლეები ბიზნეს მობილბანკსა და ინტერნეტბანკში

ყოველთვის ახალ ბიზნეს მობილბანკსა და ინტერნეტბანკში სრულად ციფრულად ხელმისაწვდომია უზრუნველყოფილი სხარტი ბიზნეს სესხი. ამჯერად კი ბიზნესს შეუძლია, არსებული უზრუნველყოფის ფარგლებში გაზრდილი ლიმიტით, 500 000 ლარამდე თანხა მოითხოვოს და ციფრულად გაიაროს დამტკიცებისა და თანხის მიღების პროცესი.

ბიზნეს ინტერნეტბანკი მომხმარებლებს განახლებული დიზაინითა და გამარტივებული გამოცდილებით ხვდება. დაემატა მუქი რეჟიმი (Dark Mode), გაუმჯობესდა ნავიგაცია და განახლდა შეთავაზებების გვერდი, რომელიც ახლა უფრო მეტად ინტუიციურია და ერთ სივრცეში აერთიანებს, როგორც B2B, ისე ფინანსურ შეთავაზებებს.

ამასთან, გამარტივდა ვალუტის კონვერტაციის პროცესი. მომხმარებელი უკვე მარტივად ხედავს ბანკის კურსს, ციფრული არხის კურსსა და საკუთარ სარგებელს.

გადარიცხვების მიმართულებას ინოვაციური ფუნქციონალი დაემატა. მომხმარებელს შეუძლია ატვირთოს ინვოისი ფოტოს სახით, რომელსაც სისტემა AI-ს საშუალებით წაიკითხავს და გადარიცხვის ფორმას ავტომატურად შეავსებს. ეს ფუნქცია ამცირებს შეცდომების რისკს და მნიშვნელოვნად ზოგავს ბიზნესის დროს.

ყოველთვის ახალი ბიზნეს მობილბანკი და ინტერნეტბანკი — ამ პრინციპით, საქართველოს ბანკის ციფრული არხები ეტაპობრივად ფართოვდება და როგორც დაფინანსებაზე, ისე ფინანსური მართვის ინსტრუმენტებზე წვდომის საშუალებას ბიზნესს ერთ სივრცეში აძლევს.

გადმოწერეთ ბიზნეს მობილბანკი ან ისარგებლეთ ინტერნეტბანკით, ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში ონლაინ 2 წუთზე ნაკლებ დროში.