პარტია საქართველოსთვის სასურსათო ფასებთან დაკავშირებულ საპარლამენტო კომისიის მუშაობაში ჩაერთვება. ამის შესახებ "პალიტრანიუსის" ეთერში ამავე პარტიის წევრმა, ლევან იოსელიანმა განაცხადა. მისი თქმით, "ხელისუფლებას არ მისცემენ საშუალებას, რომ ერთმა ქსელურმა მარკეტმა მთავრობა და სუს-ი, მეორე ქსელური მარკეტის ჩასაძირად გამოიყენოს".

"ჩვენ ვიმუშავებთ ამ კომისიაში. როგორ ხდება ფასის დადგენა სურსათზე, საწვავზე, სესხზე რამდენია განაკვეთი, ან ვინ არის ამ ქვეყანაში ელექტროენერგიის იმპორტიორი, ან ვის შემოაქვს გაზი, ან ხორბალი, ან თუნდაც როგორ ხდება პურის ფასის დადგენა, რამდენია დღგ, სად ყიდულობენ პროდუქტს, რომელიც მერე საქართველოში შემოაქვთ, იქ რამდენს იხდიან და შემდეგ რა თანხა ჯდება იმპორტი — ეს კითხვები არსებობს, რომელსაც ჩვენ კომისიის მუშაობის დროს დავსვათ. ხელისუფლებას არ მივცემთ საშუალებას, რომ ერთმა ქსელურმა მარკეტმა მთავრობა და სუს-ი, მეორე ქსელური მარკეტის ჩასაძირად გამოიყენოს. სუს-ის მიმართ საზოგადოებას ნდობა არ აქვს, სამწუხაროდ, უწყება რეპრესიული იარაღი გახდა. ფასები სიგიჟემდეა გაზრდილი. მაგალითად, მომავალი წლიდან ელექტროენერგიის ფასი იზრდება და ამის პარალელურად ქვეყანაში მინიმალური ხელფასი რატომ არ უნდა არსებობდეს? აღნიშნულ საკითხთან დაკავშირებით ჩვენ წარდგენილი გვაქვს კანონპროექტი და პარლამენტს შეუძლია იმსჯელოს და კენჭი უყაროს.

აცხადებენ, რომ ბიუჯეტი იზრდებაო, რატომ არ შეიძლება ამ გაზრდილი ბიუჯეტის ხარჯზე პენსიონერების პენსია 200 ლარით, ან თუნდაც 100 ლარით გაიზარდოს? მიუხედავად იმისა, რომ პენსიები ბუნებრივად იზრდება, რადგან ეს ინფლაციაზეა მიბმული, რატომ არ უნდა წავიდეთ უფრო წინ, რომ 100 ან 200 ლარით მოხდეს პენსიების ზრდა? ამისთვის რამდენიმე მილიარდია საჭირო, რომლის საშუალებაც ბიუჯეტს აქვს", — განაცხადა ლევან გოგიჩაიშვილმა.