საქართველოს ბანკი პარტნიორი ბიზნესების მხარდაჭერას აქტიურ რეჟიმში აგრძელებს. ამჯერად, ბანკის პარტნიორი კომპანია ჰილს კონსტრაქშენი ვაშლიჯვარში სამშენებლო პროექტ კომფორტ ჰილსს ახორციელებს.

პროექტის ჯამური ღირებულება 38 მლნ. დოლარია. საქართველოს ბანკის მიერ განხორციელებული ინვესტიცია კი 12 მლნ. დოლარს შეადგენს.

აღნიშნული სამშენებლო პროექტი, 16,500 კვ.მ ფართობ ტერიტორიას მოიცავს და ის სამ ფაზად მიმდინარეობს. მის ფარგლებში, A ბლოკის მშენებლობა უკვე დასრულებულია. ის 14 სართულზე, 171 ბინას აერთიანებს. ამ ეტაპზე, B და C ბლოკის მშენებლობა მიმდინარეობს, რაც ჯამში 336 ბინას, სპორტულ მოედანს, რეკრეაციულ სივრცეებსა და მიწისქვეშა ავტოსადგომს გააერთიანებს.

მეორე ფაზა 2026 წლის აგვისტოში, ხოლო პროექტი სრულად 2027 წლის ბოლოს დასრულდება.

“კომფორტ ჰილსი ვაშლიჯვარში მიმდინარე ჩვენი ახალი პროექტია. ის გამორჩეული, დახურული საცხოვრებელი კომპლექსია, რომელიც სრულად აერთიანებს მცხოვრებლების საჭიროებებზე მორგებულ ინფრასტრუქტურას, რის გამოც საცხოვრებელი გარემო მათთვის კიდევ უფრო კომფორტული იქნება. საქართველოს ბანკი 2012 წლიდან ჩვენი სანდო ფინანსური პარტნიორია და დღემდე წარმატებული და გამორჩეული ურთიერთთანამშრომლობა გვაქვს. ამ წლების განმავლობაში არაერთი მნიშვნელოვანი პროექტი განვახორციელეთ. სამომავლოდ, ახალი საცხოვრებელი სახლისა და საოფისე პროექტების განხორციელებას ვგეგმავთ, რომლებიც ქალაქის ურბანული გარემოს განვითარებაზეა ორიენტირებული“. — განაცხადა ჰილს კონსტრაქშენის დირექტორმა, გიორგი ფანცხავამ.