"საფარმა", 2025 წლის 12 ნოემბერს და 24 ნოემბერს, ანასტასია ზინოვკინას ჯანმრთელობის მძიმე მდგომარეობასთან დაკავშირებით, სპეციალურ პენიტენციურ სამსახურს ოფიციალური განცხადებით განმეორებით მიმართა.

უფლებადაცვითი ორგანიზაცია სპს განცხადებით სთხოვს: ანასტასია ზინოვკინას სრული, კომპლექსური სამედიცინო გამოკვლევები დაუყოვნებლივ ჩაუტარება, მათ შორის: აპარატურული კვლევები (MRI, CT, რენტგენი, ნევროლოგიური და სხვა კვლევები); ლაბორატორიული კვლევები; შესაბამისი სპეციალისტების კონსულტაციები.

"გამოკვლევების ჩატარება შესაბამისი სამოქალაქო კლინიკის პირობებში ან, შესაძლებლობის არსებობის შემთხვევაში, #18 სამკურნალო პენიტენციურ დაწესებულებაში;ექიმების მიერ უკვე გაცემული რეკომენდაციების სრული და უწყვეტი შესრულება და რეალური სამკურნალო პროცესის დაწყება, მათ შორის, აუცილებელი მედიკამენტოზური თერაპიის უზრუნველყოფა.

დღემდე სპეციალური პენიტენციური სამსახურისგან წერილობითი პასუხი არ მიგვიღია და არც დაყენებული მოთხოვნები შესრულებულა, მიუხედავად იმისა რომ პატიმრის ჯანმრთელობის მდგომარეობა უარესდება, მას მხოლოდ ტკივილგამაყუჩებლები მიეწოდება.

ეს ვითარება ქმნის ჯანმრთელობის გაუარესების რისკს და ეწინააღმდეგება როგორც საქართველოს კანონმდებლობას, ისე სახელმწიფოს საერთაშორისო ვალდებულებებს.

მოვუწოდებთ სპეციალურ პენიტენციურ სამსახურს:

დაუყოვნებლივ შეასრულოს კანონით დაკისრებული ვალდებულებები და უზრუნველყოს პატიმრის სიცოცხლისა და ჯანმრთელობის დაცვა", — წერია "საფარის" მიერ გავრცელებილ ინფორმაციაში.

12 სექტემბერს, თბილისში მიმდინარე საპროტესტო აქციების პერიოდში სისხლის სამართლის წესით დაკავებულ რუსეთის ორი მოქალაქეს – ანასტასია ზინოვკინასა და არტემ გრიბულს 8.5-წლიანი პატიმრობა მიესაჯათ.

გადაწყვეტილება მოსამართლე ნინო გალუსტაშვილმა მიიღო.

მათ პროკურატურა გასაღების მიზნით 16 გრამი ნარკოტიკული საშუალება ალფა-პვპ-ის ფლობას ედავებოდა. დაკავებულები აცხადებდნენ, რომ პოლიციამ მათ ნარკოტიკი ჩაუდო და საპროტესტო აქციებში მონაწილეობის გამო ისჯებიან.

ანასტასია ზინოვკინასა და არტემ გრიბულს ბრალი სისხლის სამართლის კოდექსის 260-ე მუხლოს მე-6 ნაწილით ჰქონდათ წარდგენილი, რაც განსაკუთრებით დიდი ოდენობით ნარკოტიკული საშუალებების შეძენა-შენახვა, ტარებას გულისხმობს და სასჯელის სახედ და ზომად 8-დან 20- წლამდე ან უვადო თავისუფლების აღკვეთას ითვალისწინებს.

მეტი ანასტასია ზინოვკინას საქმეზე: