მოკლედ: პრემიერ-მინისტრმა, ირაკლი ღარიბაშვილმა მთავრობის ადმინისტრაციაში ეკონომიკური საბჭოს სხდომა გაიმართა, სადაც ითქვა, რომ

  • მთავრობა დახარჯავს ჯამურად დაახლოებით, 50 მილიონ ლარს უსახლკარო ოჯახებისთვის საცხოვრებლით უზრუნველყოფის მიზნით.
  • პროგრამა მომავალი წლიდან დაიწყება.
  • საცხოვრებელს 1000-მდე ოჯახი მიიღებს.
  • მთავრობის ადმინისტრაციის მიხედვით, ღარიბაშვილმა ამ საკითხზე "ჯანდაცვის მინისტრისგან კონკრეტული გეგმა მოისმინა."
  • მთავრობა აპირებს, ამ პროგრამით, უსახლკაროებიდან მხოლოდ მრავალშვილიანებს დაეხმაროს.

დიდი სურათი: უსახლკარობა საქართველოში მწვავე სოციალური პრობლემაა.

  • ამას აჩვენებს საქსტატის მონაცემებიც.
  • 2022 წლისთვის სიღარიბის აბსოლუტურ ზღვარს ქვევით მყოფი მოსახლეობის წილი 15.6 %-ია.
  • აბსოლუტური სიღარიბე ნიშნავს, როდესაც ადამიანს არ აქვს საცხოვრებელი, საკვები, სუფთა წყალი, ჰიგიენური პირობები, ხელი არ მიუწვდება ჯანდაცვის სერვისებზე, განათლებასა და ინფორმაციაზე.

ბოლო ხაზი: უსახლკარობის არსებული მასშტაბის და უსახლკარო ოჯახების მძიმე საჭიროებების გათვალისწინებით, სოციალური სამართლიანობის ცენტრმა (EMC) პოლიტიკის დოკუმენტი მოამზადა, რომელშიც მთავრობას რეკომენდაციები შესთავაზა, შეიქმნას უსახლკარო, და უსახლკარობის საფრთხის წინაშე მყოფი პირების ერთიანი ბაზა, რომელიც პოლიტიკის ზომების დაგეგმვისა და განხორციელების ეფექტიანი
წინაპირობა იქნება. და შემუშავდეს საცხოვრისის ეროვნული სტრატეგია, სამოქმედო გეგმა, რომელიც დაეფუძნება უსახლკარობის მასშტაბის, ფორმების, გამომწვევი მიზეზებისა და უსახლკარო პირთა წინაშე არსებული გამოწვევების კვლევის შედეგებს.