რა ხდება? ცესკო-ს ორგანიზებით, ჰოლიდეი ინში პარტიებთან შეხვედრა გაიმართა.

  • "ლეგიტიმაცია არ გაგაჩნიათ", — ასე მიმართა ნაციონალური მოძრაობის წევრმა, ლაშა ფარულავამ, გიორგი კალანდარიშვილს — ცენტრალური საარჩევნო კომისიის თავმჯდომარეს.
  • სოზარ სუბარს კი, რომელიც ღიად ანტიდასავლური მოძრაობა ხალხის ძალის ლიდერია, რუსი უწოდა — "თქვენ საერთოდ ნუ მელაპარაკებით, რუსები ნუ მელაპარაკებით, თქვენ ხართ რუსი", — უთხრა ფარულავამ მას.

რას ითხოვდა ენმ შეხვედრაზე?

  • მოითხოვეს, რომ ემიგრანტებს 2024 წლის საპარლამენტო არჩევნებში, ონლაინ-მონაწილეობის შესაძლებლობა მიეცეთ.
  • "მალე ოპოზიციასთან ერთად შევიტანთ ამ საკანონმდებლო ინიციატივას საკანონმდებლო ორგანოში. მიუღებელია იმ სტანდარტით არჩევნების ჩატარება, როგორიც ვიხილეთ 2020 და 2021 წლებში", — თქვა ენმ-ს პოლიტსაბჭოს წევრმა.
  • ფარულავამ ცესკოს ხელმძღვანელს, გიორგი კალანდარიშვილს დაბალი სტანდარტით არჩეული და ლეგიმიტაციის არ მქონე უწოდა.