ისრაელის სკოლებში გრეტა თუნბერგის სახელს სასწავლო პროგრამიდან ამოიღებენ
ისრაელის სკოლებში ცნობილი შვედი გარემოსდამცველი აქტივისტის, გრეტა თუნბერგის, სახელს სასწავლო პროგრამიდან ამოიღებენ. ამის შესახებ ქვეყნის განათლების მინისტრმა იოავ კიშმა ბრიფინგზე განაცხადა. გადაწყვეტილების მიზეზი თუნბერგის სოციალურ ქსელში გამოქვეყნებული პოსტია, რომლითაც აქტივისტმა ისრაელი-ჰამასის ომის ფონზე მხარდაჭერა პალესტინას გამოუცხადა.
"ჰამასი ტერორისტული ორგანიზაციაა, რომელიც 1 400 უდანაშაულო ისრაელელის, მათ შორის, ბავშვების, ქალებისა და ხანდაზმული ადამიანების დახოცვაზეა პასუხისმგებელი. მათ 200-ზე მეტი ადამიანიც გაიტაცეს ღაზაში", — ამბობს მინისტრი, — "ამ განცხადების შემდეგ კი [თუნბერგი] ისრაელელი მოსწავლეებისთვის სამაგალითო ადამიანი და შთამაგონებელი პიროვნება ვეღარ იქნება".
თუნბერგი წლებია, თანამოაზრეებთან ერთად იფიცება ყოველ პარასკევს და ასე მოუწოდებს მსოფლიო ლიდერებს, კლიმატის კრიზისის შესაჩერებლად ქმედითი ნაბიჯები გადადგან. 20 ოქტომბერს გამოქვეყნებული პოსტით კი მან გამომწერებს მოუწოდა, პალესტინის მხარდასაჭერად გაფიცულიყვნენ. აღსანიშნავია, რომ თუნბერგს პოსტში ჰამასის თავდასხმაზე არაფერი უთქვამს — ამას მხოლოდ მოგვიანებით გაუსვა ხაზი კომენტარებში, როცა პოსტს კრიტიკული კომენტარები მოჰყვა.
"თქმაც არ სჭირდება — ყოველ შემთხვევაში, ასე მეგონა — რომ ჰამასის საშინელი თავდასხმის წინააღმდეგი ვარ", — დაწერა გრეტამ კომენტარებში, — "როგორც ვთქვი, მსოფლიომ ხმა უნდა აიმაღლოს და მოითხოვოს ცეცხლის შეწყვეტა დაუყოვნებლივ, სამართლიანობა და თავისუფლება პალესტინელებისა და ყველა მშვიდობიანი მოქალაქისთვის".
თუმცა, თუნბერგის პოსტს ამის შემდეგაც მოჰყვა კრიტიკული კომენტარები, მათ შორის, ისრაელელი გარემოსდამცველი აქტივისტების მხრიდან. მათგან 100-ზე მეტმა გრეტას ღია წერილითაც მიმართა და სთხოვა, "ხელახლა შეეხედა ჰამასის ჩადენილი სისასტიკისათვის". აქტივისტები წერილში ამბობენ, რომ თუნბერგის განცხადებით "გულნატკენნი, აღშფოთებულნი და იმედგაცრუებულნი" არიან.
"გრეტა თუნბერგი მსოფლიოში დღეს ყველაზე ცნობილი გარემოსდამცველი აქტივისტია", — აცხადებს ისრაელელი აქტივისტების გაერთიანება Adam Teva V'Din, — "თავისი ამ სტატუსით, გრეტამ ცალმხრივი და ულოგიკო განცხადება გააკეთა, სრულიად უგულებელყო ისრაელელი მოქალაქეების თავსდატეხილი სისასტიკე და ასობით ადამიანის გატაცება".
აღსანიშნავია, რომ თუნბერგს თავდაპირველად გამოქვეყნებული პოსტის წაშლა და ხელახლა დადებაც მოუწია, რადგან პირვანდელ ვერსიაზე თანდართულ ფოტოში სათამაშო რვაფეხა ჩანდა. ზოგმა ეს ნაცისტების ცნობილ ანტისემიტურ პლაკატზე მინიშნებად ჩათვალა. გრეტამ კი ახსნა, რომ მსგავს ნივთებს, უბრალოდ, აუტისტური სპექტრის მქონე ადამიანები იყენებენ საკომუნიკაციოდ.
ბოლო ნახევარი საუკუნის განმავლობაში ისრაელზე ყველაზე მასშტაბური თავდასხმა ჰამასმა 7 ოქტომბრის დილას მიიტანა. დაჯგუფებამ, რომელსაც მსოფლიოს არაერთი ქვეყანა და ორგანიზაცია, მათ შორის ევროკავშირი და აშშ, ტერორისტულ ორგანიზაციად მიიჩნევს, ათასზე მეტი მშვიდობიანი მოქალაქე დახოცა, ასობით კი — მძევლად აიყვანა.
თავდასხმის საპასუხოდ, ისრაელმა სამხედრო მობილიზაცია და საომარი მდგომარეობა გამოაცხადა. ქვეყნის პრემიერმინისტრმა ბენიამინ ნეთანიაჰუმ ისრაელის მოქალაქეებს წესრიგის დაცვისკენ მოუწოდა და პირობა დადო, რომ ქვეყანა "ამ ომში გაიმარჯვებს". ღაზის სექტორის ჯანდაცვის სამინისტროს ინფორმაციით კი, 7 ოქტომბრის თავდასხმის შემდეგ, ისრაელის ავიადარტყმების შედეგად, რეგიონში 5 700-ზე მეტი ადამიანი დაიღუპა. ამასთან, თუკი მანამდე ღაზის ელექტრომომარაგებას ისრაელი უზრუნველყოფდა, თავდასხმის შემდეგ მან რეგიონი სრულ ალყაში მოაქცია და, გამშვები პუნქტების ჩაკეტვასთან ერთად, ღაზას ელექტრომომარაგებაც შეუწყვიტა. საერთაშორისო ორგანიზაციების მტკიცებით, საავადმყოფოებს ღაზაში საწვავის მარაგი ეწურებათ, რაც უამრავი ადამიანის სიცოცხლეს რისკის ქვეშ აყენებს. ჰუმანიტარულ ტვირთთან ერთად, ღაზის სექტორში არც საწვავი არ შესულა.
ჰამასის თავდასხმის შემდეგ, ისრაელს სოლიდარობა და მხარდაჭერა გამოუცხადეს მსოფლიო ლიდერებმა, მათ შორის, ევროკომისიის პრეზიდენტმა ურსულა ფონ დერ ლაიენმა, ევროპული საბჭოს პრეზიდენტმა შარლ მიშელმა, უკრაინის პრეზიდენტმა ვოლოდიმირ ზელენსკიმ, გაერთიანებული სამეფოს პრემიერმინისტრმა რიში სუნაკმა და აშშ-ის პრეზიდენტმა ჯო ბაიდენმა.
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
კომენტარები