adjaranet და iMovies ისევ გათიშეს — რა ხდება
ცოტა ხნის წინ ფილმებისა და სერიალების პოპულარული მეკობრული ვებგვერდები adjaranet და iMovies ისევ გაითიშა. ვებგვერდები პირველად დაახლოებით 1 წლის წინ გაითიშა, რის მიზეზადაც ის დასახელდა, რომ კინო და სატელევიზიო პროდუქცია არალეგალურად, საავტორო უფლებების დარღვევით იყო განთავსებული. მოგვიანებით მომხმარებელთა ნაწილმა საიტების გამოყენება კვლავ შეძლო. თუმცა ამჯერად მომხმარებლები საიტებზე ისევ ვეღარ შედიან.
საქართველოს ანტიმეკობრული ცენტრის ხელმძღვანელმა, ზურაბ ბეჟაშვილმა, ვებგვერდების გათიშვის შესახებ კომენტარი ბიზნეს ფორმულასთან გააკეთა. მისი თქმით, ფინანსური პოლიციის მხრიდან ჩატარებული ღონისძიებების შედეგად ამოღებულია სერვერები, რომლებზეც პირატული გვერდები ფაილებს ათავსებდნენ.
"პირატულ გვერდებთან ბრძოლის წინააღმდეგ მნიშვნელოვანი ნაბიჯი გადაიდგა. შეიძლება ითქვას, რომ ეს არის ბოლო ეტაპი. ფინანსურმა პოლიციამ ამოიღო სერვერები, რომელსაც პირატული გვერდები იყენებდნენ. სამწუხაროდ, ამ ეტაპისთვის არ შემიძლია დაგიდასტუროთ, თუ რამდენად ეკუთვნოდა აღნიშნული სერვერები ქლაუდ ცხრას. ან მოასწრეს თუ არა მათ ფაილების სხვა სერვერზე გადატანა, თუმცა შემიძლია გითხრათ, რომ საიტები სრულად არის ინტერნეტსივრციდან გათიშული", — განაცხადა ზურაბ ბეჟაშვილმა ბიზნეს ფორმულასთან.
ჯერჯერობით უცნობია adjaranet და iMovies მუშაობას კვლავ განაახლებენ თუ ვერა. ვებგვერდების გათიშვის შესახებ ცოტა ხნის წინ აჭარანეთის წარმომადგენელმა, გიორგი წერეთელმა, ტიკტოკი გამოაქვეყნა.
"ამ ეტაპზე, სამწუხაროდ, არანაირ ინფორმაციას არ ვფლობ რა ბედის ელის საიტს, აღდგება თუ არა, ან როდის აღდგება, ან საერთოდ რა მოხდება. ამიტომ ვერაფერს ვერ გეტყვით, თუ რამე ინფორმაციას გავიგებ, ჩავწერ ვიდეოს და გაგაგებინებთ", — ამბობს გიორგი წერეთელი.
შეგახსენებთ, რომ ჯერ კიდევ 2019 წელს გავლენიანი ამერიკული კინოსტუდიების საერთო დისტრიბუტორმა კომპანია Motion Picture Association of America-მ საქართველოს ინტელექტუალური საკუთრების ეროვნულ ცენტრს გამაფრთხილებელი წერილით ინტერნეტსივრცეში ფილმების განთავსების კანონიერად დარეგულირება მოსთხოვა. 2021 წლის ნოემბერში ჰოლივუდის დიდი კინოსტუდიების ამავე გაერთიანების მიმართვის საფუძველზე ინსტაგრამსა და ფეისბუქზე ქართული მეკობრული ვებგვერდების სოციალური მედიის ანგარიშები წაიშალა. 2022 წლის მაისში კი ცნობილი გახდა, რომ ევროკავშირის წევრობის კითხვარში მნიშვნელოვანი ადგილი ეჭირა სწორედ ინტელექტუალური საკუთრების დაცვის ვალდებულებას, რისი სამომავლოდ კიდევ უფრო ქმედითად აღსრულება საქართველომ თავის თავზე აიღო.
adjaranet-ისა და iMovies-ის გათიშვამ მომხმარებელთა მხრიდან როგორც 2022 წელს, ახლაც დიდი უკმაყოფილება გამოიწვია. ბოლო ორი დღეა On.ge-ის სერიალების ჯგუფში, სახელად ერთი სერიაც და…, წევრები ვებგვერდების გათიშვას აქტიურად განიხილავენ.
"ადამიანებისთვის ფილმების და სერიალების ყურების შეზღუდვა ძაან დიდი ბოროტებაა. ქვეყანაში ბევრმა ადამიანმა არ იცის უცხო ენა და უყურებს ქართულად, ან იციან, მაგრამ მაინც საკუთარ ენაზე ყურება ურჩევნიათ. და როცა რაღაცას კრძალავ (ჯერ პირატული საიტების აკრძალვა ძაან დიდი სისულელეა და მერე მით უმეტეს, საქართველოში), როგორც მინიმუმ ადამიანებს ალტერნატივა უნდა მისცე და ერთადერთი ალტერნატივა როცა კავეაპლიუსია რავი ტრაგედიაა, ჩემი აზრით. იმედი მაქვს, იპოვიან გამოსავალს და დაბრუნება კვლავ საიტები ან როგორც მინიმუმ, ახალი საიტი გამოჩნდება. მინიმუმ ადამიანებისთვის განათლების მიღების წყარო იყო (იქნება) ეს საიტები", — წერს ჯგუფში ერთ-ერთი მომხმარებელი.
"უამრავჯერ ჩამიტარებია ტრენინგი სკოლის მოსწავლეებისთვის (აი, ინგლისური რომ არ იციან ძაან კარგად და თან 9 ლარიც რომ არ აქვთ) სხვადასხვა თემაზე და კარგად რომ გაეგოთ საკითხი (რასიზმი, ქალთა უფლებები, შრომითი უფლებები, ომი და ა.შ.), ბოლოს ბონუსად რამდენიმე თემატურ ფილმი შემითავაზებია. შემდეგ ტრენინგზე აღფრთოვანებული განიხილავდნენ ხოლმე თემას და ვხვდებოდი, რომ ეს ფილმები გაგებაში ეხმარებოდათ. ესეც წაგვართვეს და ალტერნატივა არ დაგვიტოვეს... ", — წერს ჯგუფის წევრი.
"ახლა ცივი გონებით რომ ვიმსჯელოთ, რა მოხდა: კინო კულტურის ნაწილია, რომელიც ადამიანის არსის ესთეტიკურ ნაწილს ავითარებს. აჭარანეთი და აიმუვისი იყო ამ რესურსის უდიდესი და ყველაზე მნიშვნელოვანი წყარო, რომელიც, ფაქტობრივად მოსპეს. კინო მხოლოდ გართობა არ არის და თუ ეს ასე დარჩება (და იმედია, მალე დავუბრუნდებით ჩვეულ რიტმს), საქართველოს მოსახლეობას ეზღუდება წვდომა არამარტო გასართობ, არამედ, შეიძლება ითქვას, ძაან მნიშვნელოვან საგანმანათლებლო პლატფორმაზე. ყველას არ ესმის უცხო ენა, რომ ფილმებს ინგლისურად, რუსულად ან სხვა ენაზე ჩაუჯდეს და მშვიდი გონებით გამოიტანოს აზრი ფილმიდან. რომც ესმოდეს, ქართულად ნანახს მაინც სხვა პეწი აქვს. ორიგინალს, ბუნებრივია, ვერ სჯობს, მაგრამ ყველა დაბადებიდან არ არის პოლიგლოტი. რა არის ეს თუ არა მავნებლობა, რომელსაც ვიღაც ხამი კერძო პირები "აპრავებენ" კანონის უზენაესობით", — წერს ჯგუფის კიდევ ერთი წევრი.
დღემდე iMovies და adjaranet ქართულ ინტერნეტსივრცეში ერთ-ერთი ყველაზე ცნობილი საიტებია, სადაც ნებისმიერ მსურველს საინტერესო ფილმები და სერიალები როგორც ქართულ, ასევე უცხოურ ენებზეც სრულიად უფასოდ შეეძლო ენახა.
-
გადახედვაბიძინა ივანიშვილის მიმართვა რუსული კანონის მხარდასაჭერად, პარლამენტთან ორგანიზებულად შეკრებილებს ბიძინა ივანიშვილის მიმართვა რუსული კანონის მხარდასაჭერად, პარლამენტთან ორგანიზებულად შეკრებილებს
-
გადახედვამეცნიერებმა ტვინის ნათხემის ახალი ფუნქცია გამოავლინეს მეცნიერებმა ტვინის ნათხემის ახალი ფუნქცია გამოავლინეს
-
-
გადახედვაროგორია მწერების დღე-ღამის აქტივობა — კვლევა როგორია მწერების დღე-ღამის აქტივობა — კვლევა
-
გადახედვაპარლამენტმა, საკომიტეტო მოსმენაზე, რუსული კანონი მეორე მოსმენით მიიღო პარლამენტმა, საკომიტეტო მოსმენაზე, რუსული კანონი მეორე მოსმენით მიიღო
-
გადახედვარატი ბრეგაძე: სტრასბურგიდან შემოვიდა შეტყობინება, რომელსაც თან ერთვის სააკაშვილის წერილი მისი საჩივრის გახმობის თაობაზე. რატი ბრეგაძე: სტრასბურგიდან შემოვიდა შეტყობინება, რომელსაც თან ერთვის სააკაშვილის წერილი მისი საჩივრის გახმობის თაობაზე.
-
გადახედვარუსული კანონის საპროტესტო აქციაზე დაკავებული ალექსი პეტრიაშვილი თავისუფალია რუსული კანონის საპროტესტო აქციაზე დაკავებული ალექსი პეტრიაშვილი თავისუფალია
-
გადახედვაანრი ოხანაშვილმა, რუსული კანონის განხილვისას, დარბაზიდან გააძევა 14 ოპოზიციონერი დეპუტატი და არასამთავრობოების 2 წარმომადგენელი ანრი ოხანაშვილმა, რუსული კანონის განხილვისას, დარბაზიდან გააძევა 14 ოპოზიციონერი დეპუტატი და არასამთავრობოების 2 წარმომადგენელი
-
გადახედვაოკუპირებულ სოფელ დისევთან საქართველოს მოქალაქე უკანონოდ დააკავეს — სუსი ოკუპირებულ სოფელ დისევთან საქართველოს მოქალაქე უკანონოდ დააკავეს — სუსი
-
გადახედვარუსული კანონის საკომიტეტო მოსმენა დეპუტატების გაძევებისა და ცენზურის ფონზე მიმდინარეობს — არასამთავროები რუსული კანონის საკომიტეტო მოსმენა დეპუტატების გაძევებისა და ცენზურის ფონზე მიმდინარეობს — არასამთავროები
-
გადახედვა13 წლის გოგოს გაუპატიურების ბრალდებით, მამა დააკავეს — მედია 13 წლის გოგოს გაუპატიურების ბრალდებით, მამა დააკავეს — მედია
-
გადახედვაროგორი ამინდი იქნება 2 მაისამდე როგორი ამინდი იქნება 2 მაისამდე
-
გადახედვარუსეთმა კოსმოსში ბირთვული იარაღის გატანის აკრძალვას მხარი არ დაუჭირა რუსეთმა კოსმოსში ბირთვული იარაღის გატანის აკრძალვას მხარი არ დაუჭირა
-
გადახედვაანა წითელაძე: ყველა ის ადამიანი, ვინც ცდილობს, რომ შინაარსობრივი კითხვა დასვას, გამოაძევეს. ასრულებენ რუსულ დავალებას ანა წითელაძე: ყველა ის ადამიანი, ვინც ცდილობს, რომ შინაარსობრივი კითხვა დასვას, გამოაძევეს. ასრულებენ რუსულ დავალებას
-
გადახედვაამერიკული ავიაკომპანია 101 წლის ქალს შეცდომით 1 წლის ბავშვად არეგისტრირებს ამერიკული ავიაკომპანია 101 წლის ქალს შეცდომით 1 წლის ბავშვად არეგისტრირებს
-
გადახედვასალომე სამადაშვილი: საქართველოს საგარეო საქმეთა მინისტრს ბრიუსელში უკანასკნელ გაფრთხილებას მისცემენ სალომე სამადაშვილი: საქართველოს საგარეო საქმეთა მინისტრს ბრიუსელში უკანასკნელ გაფრთხილებას მისცემენ
-
გადახედვაანრი ოხანაშვილმა კომიტეტის სხდომის დარბაზი სალომე სამადაშვილს და თამარ კორძაიასაც დაატოვებინა ანრი ოხანაშვილმა კომიტეტის სხდომის დარბაზი სალომე სამადაშვილს და თამარ კორძაიასაც დაატოვებინა
-
-
-
გადახედვაალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი ალექსი პეტრიაშვილს ფიზიკური დაზიანებები არ აღენიშნება, ის დროებითი დაკავების იზოლატორშია — სახალხო დამცველის აპარატი
-
გადახედვაქართველი დიპლომატები საზოგადოებას: მოგიწოდებთ - დადგეთ იქ, სადაც დღეს თქვენი შვილები დგანან! ქართველი დიპლომატები საზოგადოებას: მოგიწოდებთ - დადგეთ იქ, სადაც დღეს თქვენი შვილები დგანან!
კომენტარები