ვერავის ვაპატიებ სტიქიის პირველ ღამეს უმოქმედობას და გარიჟრაჟის ლოდინს

3 აგვისტოს რაჭაში, შოვში მეწყერი ჩამოწვა, რასაც მსხვერპლი მოჰყვა. ოფიციალური მონაცემებით, მაშველებმა 18 ცხედარი იპოვეს, აქედან 14 იდენტიფიცირებულია.

მომხდარს მუსიკოსი ნიკოლოზ რაჭველი გამოეხმაურა. ის პასუხისმგებლობას ხელისუფლებას აკისრებს და ამბობს, რომ მეწყრის მსხვერპლებს მათი სიცოცხლის გადასარჩენად უმნიშვნელოვანესი საათები დააკარგვინეს.

"მე ვერასდროს ვერავის ვერ ვაპატიებ სტიქიის პირველ ღამეს უმოქმედობას და გარიჟრაჟის ლოდინს… არანაირი ძალა და ძალაუფლება არ გამაჩნია პასუხი ვაგებინო ამაში დამნაშავე პირებს, მაგრამ იმის უფლებას ვიტოვებ, შეურიგებელი დავრჩე გადაწყვეტილების მიმღები ყველა ჩინოსნის მიმართ, ვინც რამდენიმე უმნიშვნელოვანესი საათი დააკარგვინა მეწყრის მსხვერპლებს მათი სიცოცხლის გადასარჩენად!

არაპროფესიონალიზმის, დილეტანტური და პროვინციული მიდგომის, გაუაზრებლობის, უსაფუძვლო ამბიციურობის და ჩამორჩენილი მენტალიტეტის გამო გვაქვს ეს ტრაგიკული რეალობა, რომელიც დაატყდა ჩემს რაჭას და მის მკვიდრებს თუ მასპინძლებს!

ამასთანავე მახრჩობს სიბრაზის შეგრძნება ყველა იმ ადამიანის საბურველში გამოწყობილი გარეული ცხოველის მიმართ, ვინც სოციალურ ქსელებში გარდაცვლილებს პოლიტიკურ გემოვნებას და სოციალურ აქტიურობას უხსენებს, როგორი კომენტარებიც არაერთი შემომხვდა უკვე", — წერს რაჭველი.

ბოლო ინფორმაციით მაშველები, ჯარისკაცები და ადგილობრივები 16 ადამიანს ეძებენ, რომლებთანაც კონტაქტი ვერ მყარდება.

ამავე თემაზე:

ბოლო ამბები:

გირჩევთ