ჩინეთის მოსახლეობა 6 ათწლეულის მანძილზე პირველად ისტორიულ ნიშნულს ქვემოთ ჩამოვიდა. ანალიტიკოსები ამას დემოგრაფიულ კრიზისათაც აფასებენ.

რატომ არის მნიშვნელოვანი: Economist Intelligence Unit-ის მთავარი ეკონომისტის შეფასებით, ეს ტენდენცია გაგრძელდება და Covid-ის გამო, შესაძლოა, კიდევ უფრო გაუარესდეს.

  • ის იმ ექსპერტებს შორისაა, რომლებიც 2023 წელს ჩინეთის მოსახლეობის უფრო შემცირებას ელიან, რადგან, მისი ვარაუდით, სიკვდილიანობის მაჩვენებელი უფრო მაღალი იქნება, ვიდრე ეს პანდემიამდე პერიოდში იყო.
  • ანალიტიკოსების აზრით, ახალგაზრდების უმუშევრობის მაღალმა დონემ და შემოსავლების მოსალოდნელმა კლებამ, შესაძლოა, კიდევ უფრო შეამციროს ახალშობილთა რაოდენობა.
  • ვარაუდობენ, რომ ასეთმა ტენდენციამ გრძელვადიან პერსპექტივაში, შესაძლოა, ჩინეთის სამუშაო ძალის შემცირება და სოციალური დაცვის ხარჯების ზრდა გამოიწვიოს.

დეტალები: გასულს წელს პირველად ჩინეთში გარდაცვლილთა რაოდენობამ დაბადებულთა რიცხვს გადააჭარბა და 1976 წელს ქვეყანაში სიკვდილიანობის ყველაზე მაღალი მაჩვენებელი დაფიქსირდა — 1 000 მოსახლეზე 7,37.

  • 2021-დან 2022 წლამდე ჩინეთის მოსახლეობა 850 000-ით შემცირდა და 1 4118 მილიარდს მიაღწია.
  • ოფიციალური პირების განცხადებით, ერთი შვილის პოლიტიკის გაუქმებიდან შვიდი წლის შემდეგ ქვეყანაში "მოსახლეობის ნეგატიური ზრდის ეპოქა დაიწყო".
  • 2021 წელს ჩატარებულმა აღწერამ აჩვენა, რომ ჩინეთის მოსახლეობა ათწლეულების განმავლობაში ყველაზე ნელი ტემპით იზრდებოდა.
  • მოსახლეობა ასევე, მცირდება და ბერდება აღმოსავლეთ აზიის სხვა ქვეყნებში — იაპონიასა და სამხრეთ კორეაში.

ერთი შვილის პოლიტიკა ჩინეთში 1979 წელს მოსახლეობს ზრდის ტემპის შენელების მიზნით დაინერგა.

  • ოჯახებს, რომლებიც წესს არღვევდნენ აჯარიმებდნენ, ზოგ შემთხვევაში კი სამსახურიდან ათავისუფლებდნენ.
  • ასეთმა პოლიტიკამ ქვეყანაში იძულებითი სელექციური აბორტები წაახალისა.
  • 2016 წელს წესი გაუქმდა და დაქორწინებულ წყვილებს ორი შვილის ყოლის უფლება მიეცათ.
  • 2022 წლის ოქტომბერში ჩინეთის პრეზიდენტმა სი ძინპინმა შობადობის გაზრდა პრიორიტეტად დაასახელა.