ამის შესახებ მან 2022 წლის საქმიანობის ანგარიშის წარდგენისას ისაუბრა.

რატომ არის მნიშვნელოვანი: პრემიერმინისტრის თქმით, დრონების წარმოება უახლოეს მომავალში დაიწყება და ეს ქვეყნის თავდაცვისუნარიანობის გაძლიერებას შეუწყობს ხელს.

  • მისივე განცხადებით, მიმდინარეობს აქტიური მუშაობა საფრენი აპარატების რეაბილიტაცია-მოდერნიზაციაზე, სამხედრო ავიაციისა და ჰაერსაწინააღმდეგო საშუალებების გაძლიერებაზე.

დეტალები: ღარიბაშვილის თქმით, დრონების წარმოებას პოლონურ კომპანიასთან ერთად იწყებენ.

  • "რამდენიმე თვეში ჩვენ დავიწყებთ დრონების წარმოებას. ქვეყანას შეეძლება რამდენიმე ათასი დრონის წარმოება", — თქვა მან.
  • მისივე განცხადებით, უკვე დაწყებულია M4 ტიპის ქართული წარმოების ავტომატური შაშხანების წარმოებაც.
  • "გრძელდება ჩვენი ჯარის გაძლიერება, ჩვენ ამ მიმართულებით უკვე ბოლო რამდენიმე წელია, აქტიურად ვახორციელებთ თანამედროვე შეიარაღების სისტემების შეძენას, განახლება მიმდინარეობს როგორც ანტისატანკო, ასევე, საჰაერო თავდაცვის"— განაცხადა პრემიერმინისტრმა.