ეგვიპტის მთავრობის ცნობით, არქეოლოგებმა, საუკუნეზე მეტი ხნის განმავლობაში, პირველად აღმოაჩინეს ეგვიპტური მუმიების ფერადი პორტრეტები.

მათ აღმოაჩინეს ეგვიპტური მუმიების ორი სრული პორტრეტი და რამდენიმე ფრაგმენტი გერზას გათხრების ადგილას ეგვიპტეში, ელ-ფაიუმში. ინგლისელმა არქეოლოგმა ფლინდერს პეტრიმ ბოლო მსგავსი ნამუშევარი — 146 მუმიის პორტრეტი — აღმოაჩინა 1911 წელს, რომაულ სასაფლაოზე.

აღმოჩენები გაკეთდა უძველესი ქალაქ ფილადელფიის ნანგრევებში, რომელიც, ავსტრიის არქეოლოგიური ინსტიტუტის მიხედვით, მდებარეობს ელ-ფაიუმის ჩრდილო-აღმოსავლეთით და თანამედროვე კაიროს სამხრეთ-დასავლეთით, დაახლოებით, 120 კილომეტრში.

ფოტო: Egypt's Ministry of Tourism and Antiquities

ელ-ფაიუმში გერზას არქეოლოგიური ადგილის გამომძიებელმა ჯგუფმა ასევე აღმოაჩინა დაკრძალვის შენობა და პაპირუსზე, ჭურჭელსა და კუბოებზე არსებული ჩანაწერები, რომლებიც თარიღდება პტოლემეების დინასტიის პერიოდიდან (ძვ.წ. 305-დან ძვ.წ. 30 წლამდე) რომაულ ეპოქამდე (ძვ.წ. 30-დან ახ.წ. 390 წლამდე).

ეგვიპტის მთავრობამ განაცხადა, რომ ეს აღმოჩენები იძლევა მნიშვნელოვან ინფორმაციას ფილადელფიაში, დაახლოებით, 2 000 წლის წინ მცხოვრები ადამიანების სოციალურ, ეკონომიკურ და რელიგიურ პირობებზე.

ასევე იხილეთ: მეცნიერებმა შეიძლება კლეოპატრას სამარხს მიაგნონ — ამ აღმოჩენას ისტორიის გადაწერა შეუძლია

ნახატების კოლექცია, რომელიც ცნობილია ელ-ფაიუუმის პორტრეტების სახელით, ასახავს უმდიდრეს ადამიანებს ამ უძველესი თემებიდან, რომლებშიც 600 წლის განმავლობაში ცხოვრობდნენ ბერძნები და ეგვიპტელები.

ფოტო: https://mota.gov.eg/

ამ აღმოჩენების გარდა, მკვლევრებმა ასევე იპოვეს ხის კუბოში მოთავსებული ქალღმერთ ისიდა-აფროდიტეს იშვიათი ტერაკოტას ქანდაკება. ეს უკანასკნელი ასახავს ბერძნების გავლენას ეგვიპტურ ხელოვნებაზე.

როგორც ეგვიპტის მთავრობამ აღნიშნა, პტოლემე II-მ ფილადელფია აგრიკულტურულ სოფლად ჩამოაყალიბა, რათა თავისი იმპერიისთვის მეტი საკვები ჰქონოდა. არქეოლოგები კი ამ ადგილს 2016 წლიდან მოყოლებული იკვლევენ.

თუ სტატიაში განხილული თემა და ზოგადად: მეცნიერებისა და ტექნოლოგიების სფერო შენთვის საინტერესოა, შემოგვიერთდი ჯგუფში – შემდეგი ჯგუფი.