რიში სუნაკის განცხადებით, ჩინეთი არის "სისტემური გამოწვევა" და ქვეყნის პოზიცია ჩინეთის მიმართ გადაიხედება.

რატომ არის მნიშვნელოვანი: BBC-ის ჟურნალისტი კვირას შანხაიში საპროტესტო აქციის გაშუქებისას დააკავეს, რა დროსაც პოლიციამ მასზე ფიზიკურად იძალადა.

  • ჩინეთში მასიური საპროტესტო აქციები გაიმართა კორონავირუსის რეგულაციების წინააღმდეგ.
  • ამ ფაქტს სუნაკი გამოეხმაურა და ბიზნეს ლიდერებთან და საგარეო პოლიტიკის ექსპერტებთან შეხვედრისას განაცხადა, რომ პროტესტის პირობებში "ჩინეთმა აირჩია დარბევა, მათ შორის BBC-ის ჟურნალისტზე თავდასხმა".

დეტალები: რიში სუნაკმა თავის პირველ საგარეო გამოსვლაში განაცხადა, რომ ჩინეთთან წინა ათწლეულის მჭიდრო ეკონომიკური კავშირები "გულუბრყვილო" იყო.

  • მისი განმარტებით, ბრიტანეთმა კონკურენტების მიმართ "მტკიცე პრაგმატიზმი" უნდა გამოიჩინოს, თუმცა "ჩინეთის გლობალური მნიშვნელობის უგულებელყოფა არ შეიძლება".
  • "ჩვენ ვაღიარებთ, რომ ჩინეთი სისტემურ გამოწვევას უქმნის ჩვენს ღირებულებებსა და ინტერესებს, გამოწვევა, რომელიც უფრო მწვავე ხდება, როდესაც ის უფრო დიდი ავტორიტარიზმისკენ მიიწევს", — თქვა მან.

ამასთანავე, სუნაკმა ხაზგასმით აღნიშნა, რომ "ჩვენ არ შეგვიძლია უბრალოდ უგულებელვყოთ ჩინეთის მნიშვნელობა მსოფლიო საქმეებში — გლობალური ეკონომიკური სტაბილურობისთვის ან ისეთი საკითხების მიმართ, როგორიცაა კლიმატის ცვლილება".

  • მან დასძინა, რომ დიდი ბრიტანეთი იმუშავებს მოკავშირეებთან, მათ შორის აშშ-თან, კანადასთან, ავსტრალიასთან და იაპონიასთან, რათა "მართოს ეს გამწვავებული კონკურენცია".
  • "ეს ნიშნავს, რომ კონკურენტებს წინ აღვუდგეთ არა გრანდიოზული რიტორიკით, არამედ ძლიერი პრაგმატიზმით", — დასძინა მან.
  • ლეიბორისტული პარტიის საგარეო საქმეთა მინისტრმა, დევიდ ლამიმ პრემიერმინისტრი "ჩინეთზე რიტორიკის აჟიოტაჟში".

კონტექსტი: ფრაზა "ოქროს ხანა" ასოცირდება ყოფილი პრემიერ-მინისტრის, დევიდ კამერონის დროს ჩინეთთან უფრო მჭიდრო ეკონომიკურ კავშირებთან.

  • თუმცა ამის შემდეგ ლონდონსა და პეკინს შორის ურთიერთობა მას შემდეგ გაუარესდა.
  • სუნაკის წინამორბედი ლიზ ტრუსი, გავრცელებული ინფორმაციით, გეგმავდა ჩინეთის ხელახლა კლასიფიკაციას, როგორც "საფრთხეს" დიდი ბრიტანეთისთვის.
  • რიში სუნაკი და ჩინეთის პრეზიდენტი სი ძინპინი პირველად უნდა შეხვედროდნენ G20-ის სამიტზე ინდონეზიაში, მაგრამ პოლონეთში სარაკეტო აფეთქების შემდეგ შეხვედრა გაუქმდა.