ინფორმაციას ამის შესახებ მოლდოვის საგარეო საქმეთა მინისტრი ნიკუ პოპესკუ ავრცელებს.

რატომ არის მნიშვნელოვანი: მოლდოვა აცხადებს, რომ რაკეტების სამიზნე უკრაინა იყო. მათ მოლდოვის საზღვარი 10 ოქტომბერს დილით გადაკვეთეს.

  • მოლდოვამ რუსეთის ელჩი ახსნა-განმარტებისთვის დაიბარა.

  • უწყების თქმით, სამიზნეები საფრთხეს უქმნიდა მოლდოვას რესპუბლიკის ინფრასტრუქტურას და სამოქალაქო თვითმფრინავებს.

დეტალები: დღეს დილიდან უკრაინაში რამდენიმე ქალაქი მასიურად იბომბებოდა. ოკუპანტები თავს დაესხნენ უკრაინის დედაქალაქ კიევსაც.

  • მოლდოვის პრეზიდენტმა, მაია სანდუმ უკვე დაგმო რუსეთის ქმედება და თქვა, რომ ტერორი და უდანაშაულო მშვიდობიანი მოსახლეობის მკვლელობა დაუყოვნებლივ უნდა შეწყდეს.