სოფლის მეურნეობის მინისტრის, ოთარ შამუგიას განცხადებით, გადაწყვეტილება 4 ივლისიდან ამოქმედდება.

რატომ არის მნიშვნელოვანი: რუსეთის შეჭრის შემდეგ უკრაინიდან ხორბლის ექსპორტის პრობლემა შეიქმნა. ვინაიდან, უკრაინა და რუსეთი ხორბლის მნიშვნელოვანი მიმწოდებლები არიან, არის დეფიციტის საფრთხე.

  • იმის გამო, რომ რუსეთს უკრაინის პორტები აქვს ბლოკირებული მილიონობით ტონა ხორბალი ქვეყნიდან ვერ გადის.

რა მიზეზი აქვს სამინისტროს: უწყების განცხადებით, რეგიონში შექმნილი ვითარების გათვალისწინებით, სასურსათო უსაფრთხოების უზრუნველსაყოფად, მნიშვნელოვანია, ადგილობრივი წარმოების ხორბლის და ქერის რეალიზაცია მხოლოდ შიდა ბაზარზე განხორციელდეს.

  • მათივე თქმით, საქართველო სრულად დამოკიდებულია ხორბლის იმპორტზე (ყოველწლიურად 500 ათასი ტონა) და მცირე წარმოების გამო ექსპორტს ვერ ახორციელებდა, მაგრამ ამ სიტუაციაში, მოსალოდნელი იყო, რომ ქვეყნიდან გარკვეული რაოდენობის ხორბალი ექსპორტზე გავიდოდა.
  • რაც შეეხება ქერს, მისი ექსპორტი ერაყსა და ირანში ხორციელდება — მინისტრის განმარტებით, ქერი მეცხოველეობის, მეფრინველეობისა და მეღორეობის დარგში მნიშნველოვანი საკვები რესურსია, ამიტომ ამ ეტაპზე, მხოლოდ ადგილობრივ ბაზარზე უნდა იყოს რეალიზებული.

დეტალები: უწყებაბაში განმარტავენ, რომ ქერის საპროგნოზო მოსავალი 60 ათასი ტონის ფარგლებში მერყეობს. დღეის მდგომარეობით, 2,5 ათას ტონაზე მეტი უკვე ექსპორტირებულია.

  • მინისტრი ამბობს, რომ სამინისტრომ ხორბლისა და ქერის მწარმოებლებთან არაერთი შეხვედრა გამართა და ისინი ამბობენ, რომ ადგილობრივი ბაზარი, ქვეყანაში წარმოებულ მოსავალს სრულად აითვისებს.
  • მისივე თქმით, ამ ეტაპზე, შეზღუდვები არ ვრცელდება სიმინდის ექსპორტზე.

კონტექსტი: მსოფლიოს მოსახლეობის 35%-თვის ხორბალი მთავარი საკვებია. რუსეთი მსოფლიოში ხორბლის ყველაზე დიდი ექსპორტიორია, ხოლო უკრაინა — სიდიდით მეხუთე.

  • ომამდე ორივე ქვეყანა მსოფლიოს ქერის მარაგის 19%-ს, ხორბლის 14%-ს და სიმინდის 4%-ს აწვდიდა.
  • ეს მსოფლიოში მარცვლეულის ექსპორტის ერთ მესამედზე მეტია.

სტრიქონებს შორის: იანვარ-მაისში რუსეთიდან საქართველოში ნახევარი მილიარდის იმპორტული საქონელი შემოვიდა. ამ პერიოდში ყველაზე მეტი ნავთობი და ნავთობის აირები ვიყიდეთ — $124,3 მილიონი.

  • იმავე პერიოდში საიმპორტი ხუთეულში იყო ხორბლის ან ხორბალ-ჭვავის ფქვილი — $22,4 მილიონი;