ქართული ოცნების დეპუტატის, არჩილ თალაკვაძის განცხადებით, ევროპარლამენტში განხილული რეზოლუცია, "აბსოლუტურად აცილებულია რეალობას". მისი თქმით, სიმართლე მათ მხარესაა და "არც ნიკა გვარამია არის თავისუფალი მედია და არც მიხეილ სააკაშვილი გახლავთ დემოკრატიის შუქურა".

"შესაბამისად, რეზოლუციის აგება ამაზე და ტოლობის ნიშნების დასმა, ეს აბსოლუტურად წინააღმდეგობაში მოდის რეალობასთან, რომელიც გვაქვს ქვეყანაში და ჩვენი მოქალაქეებისთვის ეს არის გაუგებარი. შესაბამისად, რა თქმა უნდა, აბსოლუტურად მიუღებელია საკითხის ასე დაყენება და ეს არის რეალობისგან და სიმართლისაგან აბსოლუტურად შორს მყოფი განაცხადი, რეზოლუცია აბსოლუტურად აცილებულია რეალობას, რომელიც არის ჩვენს ქვეყანაში", — თქვა თალაკვაძემ.

გუშინ ევროპარლამენტში საქართველოში მედიის თავისუფლებასა და ჟურნალისტთა უსაფრთხოებაზე იმსჯელეს. გაკეთდა კრიტიკული განცხადებები, მათ შორის, მედიის თავისუფლების საკითხზე. დღეს, 9 ივნისს კი რეზოლუციას მიიღებენ.

გაიგე მეტი: