თბილისის სააპელაციო სასამართლომ ქალის ფსიქიატრიულ დაწესებულებაში უკანონოდ მოთავსების გამო, კლინიკას მორალური ზიანის გადახდა დააკისრა. დაზარალებულის უფლებებს პარტნიორობა ადამინის უფლებებისთვის (PHR) იცავდა.

PHR-ის განცხადებით, 2019 წლის 31 აგვისტოს ქალი საკვები პროდუქტის შესაძენადგავიდა სახლიდან გავიდა. დაბრუნებიდან რამდენიმე საათში მასთან საპატრულო პოლიციის ეკიპაჟი და სასწრაფო სამედიცინო დახმარების ბრიგადა მივიდა. პოლიციამ საედიცინო შემოწმებისთვის ქალის კლინიკაში გადაყვანა მოითხოვა. ქალი დაიბნა და ნებაყოფლობით გაჰყვა კლინიკაში, გზად კი გაიგო რომ პოლიციას მისმა დამ დაურეკა. ამის შემდეგ, ქალა პოლიციელებს უთხრა, რომ თავად იყო ოჯახის წევრის მხრიდან ფიზიკური ძალადობის მსხვერპლი და მის დასაცავად შემაკავებელი ორდერიც იყო გაცემული. ამ ინფორმაციაზე პოლიციას რეაგირება არ მოუხდენია და ქალი ფსიქიატრიული კლინიკაში მიიყვანა საიდანაც ის აღარ გამოუშვეს.

ორგანიზაციის თქმით, დაზარალებულის ფსიქიატრიულ კლინიკაში გადაყვანის დროს და მოთავსებისას არ მომხდარა ფაქტების სრული და ობიექტური შესწავლა. კერძოდ, პოლიციამ და ფსიქიატრიული დაწესებულების ექიმ-ფსიქიატრებმა გადაწყვეტილების მიღებისას მხედველობაში არ მიიღეს ის ქალის მონაყოლი რაც ფაქტებით იყო დადასტურებული. საქალაქო სასამართლომ კი მხოლოდ ექიმ-ფსიქიატრების მოსაზრებას მოუსმინა და ნინო 6 თვით ფსიქიატრიულში, მისი ნების საწინააღმდეგოდ დატოვა.

PHR-ის დახმარებით ქალმა საქალაქო სასამართლოს გადაწყვეტილება გაასაჩივრა. სააპელაციო სასამართლომ ის გაათავისუფლა ფსიქიატრიულ დაწესებულებაში კანონის დარღვევით მოთავსების გამო.

ამის შემდეგ, PHR-მა დაიწყო სამოქალაქო დავა კლინიკის წინააღმდეგ და ქალის თავისუფლების უკანონო შეზღუდვის გამო და მისთვის მორალური ზიანის ანაზღაურება მოითხოვა. სასამართლოს ორმა ინსტანციამ დააკმაყოფილა დაზარალებულის მოთხოვნა და კლინიკას მორალური ზიანის გადახდა დააკისრა.