დიდი შვიდეულის ფინანსთა მინისტრები უკრაინის დასახმარებლად 18 მილიარდი დოლარის გამოყოფაზე შეთანხმდნენ. მათი თქმით, მზად არიან ოფიციალური კიევისთვის საჭიროებისამებრ მეტი გააკეთონ.

"ჩვენ გავაგრძელებთ უკრაინის გვერდით დგომას მთელი ომის განმავლობაში და მისი დასრულების შემდეგაც. მზად ვართ გავაკეთოთ მეტი, რაც საჭიროა", — ნათქვამია განცხადებაში.

19 მაისს გერმანიის ფინანსთა მინისტრმა განაცხადა, რომ გერმანია უკრაინას 1 მილიარდ ევროს გამოუყოფს. ხოლო იაპონია პირობა დადო, რომ გააორმაგებს დახმარებას უკრაინას 600 მილიონ დოლარამდე, რათა დაეხმაროს უკრაინას უახლოესი საჭიროებების დასაფარად.

უკრაინის შეფასებით, ქვეყანას საჯარო მოხელეების ხელფასებისა და ადმინისტრაციული ხარჯების დასაფარად თვეში დაახლოებით 5 მილიარდი დოლარი სჭირდება.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში