სწრაფ კამერები, რომლებიც წამში მილიონ ან თუნდაც მილიარდ კადრს აფიქსირებენ, ახლოსაც ვერ მივლენ ლუნდის უნივერსიტეტის გამოგონებასთან.

შვედური უნივერსიტეტის ინოვაციურ კამერას წამში, დაახლოებით, ხუთი ტრილიონი კადრის დაფიქსირება შეუძლია. ეს ნიშნავს, რომ მოწყობილობას შეუძლია აღბეჭდოს ყველაფერი, რაც წამის 0,2 მეტრილიონედში ხდება.

ჩვენ ვსაუბრობთ ისეთი მოვლენების დაფიქსირებაზე, რომელსაც ვერც ერთი თანამედროვე კამერა ვერ აღბეჭდავს. საუბარია ქიმიურ, ბიოლოგიურ თუ ფიზიკურ რეაქციებზე.

მაგალითისთვის, ამ ვიდეოზე აღბეჭდილია სინათლის ფურცელში გავლა.

საინტერესოა, როგორ ახერხებს კამერა კადრების ასე სწრაფად გადაღებას.

ლუნდის უნივერსიტეტის შექმნილი მოწყობილობა ინოვაციურ ალგორითმს იყენებს, რომელიც სპეციალური ციმციმებითაა აღჭურვილი, რომელიც ქიმიურ რეაქციებსა და ბიოლოგიურ პროცესებს, სინათლის ნაცვლად ლაზერული ციმციმით აშუქებს. თითოეული პულსის არეკლილი ობიექტი ერთ სურათშია შერწყმული, თუმცა მოგვიანებით მათი დანაწევრება და პროცესის დეტალური აღწერაა შესაძლებელი, როგორც ეს ზემოთ მოყვანილ მოკლე ვიდეოში ჩანს.

მეტი სიცხადისთვის, ხაზგასმით უნდა ითქვას, რომ ამ კამერისთვის მსოფლიოში ყველაზე სწრაფი ცხოველის მოძრაობაც კი უმარტივესი აღსაქმელია. თუმცა შვედური უნივერსიტეტის გამოგონება ამის აღსაბეჭდად არ არის საჭირო, რადგან ამ მისიას ჩვეულებრივი კამერებიც წარმატებით უმკლავდებიან.