უკრაინის გენერალური პროკურატურის ინფორმაციით, რუსეთის შეჭრის შემდეგ უკრაინაში 223 ბავშვი დაიღუპა, 408-ზე მეტი კი დაშავდა. უწყების ცნობით, ამ დრომდე არსებული მონაცემებით, საომარ მოქმედებებს ყველაზე მეტი ბავშვი დონეცკსა და კიევის რაიონში ემსხვერპლა.

პროკურატურაში განმარტავენ, რომ ეს ცნობები არ არის სრული, რადგან ვერ ხერხდება დაბომბვის ადგილების შემოწმება აქტიური საომარი მოქმედებების ზონებში და დროებით ოკუპირებულ ტერიტორიებზე.

პროკურატურის განცხადებით, 5 მაისს, ოკუპანტების მიერ რეგიონული ლანდშაფტური პარკის დაბომბვისას 15 წლის მოხალისე გარდაიცვალა, რომელიც, ეხმარებოდა ცხოველების გამოკვებასა და ევაკუაციაში.

უწყების ინფორმაციით, ცნობილი გახდა, რომ 23 აპრილს დაბომბვის გამო, დონეცკის ოლქში17 წლის მოზარდი გარდაიცვალა.

მათივე ცნობით, დაბომბვების შედეგად დაზიანებულია 1 607 სასწავლო დაწესებულება, ხოლო 121 მათგანი მთლიანად განადგურებულია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში