საერთაშორისო გამჭვირვალობა - საქართველო მიიჩნევს, რომ ოთხთვიანი ვადა საკმარისი არაა ფუნდამენტური საკონტიტუციო ცვლილებების შემუშავებისთვის. მათი განმარტებით, პროცესში არ იყო ჩართული როგორც ყველა საკონსტიტუციო ორგანო, ასევე საზოგადოების ყველა ჯგუფის წარმომადგენელი.

"კომისიამ გაითვალისწინა საერთაშორისო გამჭვირვალობა - საქართველოს მიერ წარმოდგენილი თითქმის ყველა შენიშვნა, თუმცა, ძირითადად არ
გაუთვალისწინებია ჩვენი წინადადებები ისეთ უმნიშვნელოვანეს საკითხებთან
დაკავშირებით, როგორიც არის საარჩევნო სისტემა, პრეზიდენტის არჩევის
წესი და რამდენიმე სხვა," - აღნიშნავენ ორგანიზაციაში.

TI - საქართველოს შეფასებით, საკონსტიტუციო კომისიის შექმნიდან ჩანდა მმართველი პარტიის ინტერესი, რომელიც პარლამენტის საარჩევნო სისტემას, პრეზიდენტის პირდაპირ არჩევის წესის შეცვლასა და კონსტიტუციაში ქორწინების ცნების გაწერას უკავშირდებოდა. მათივე განმარტებით, ამ სამ საკითხზე ხელისუფლებამ არ გაითვალისწინა სამოქალაქო საზოგადოებისა და ოპოზიციური პოლიტიკური პარტიების მოსაზრებები.

ორგანიზაციის პრეტენზიები:

• პარლამენტის ყველა წევრის პროპორციული წესით არჩევით მაიც არ იცვლება ის ნაკლოვანება, რომლითაც პარტიები თანასწორ პირობებში ჩადგებოდნენ. გადანაწილებული მანდატების პირველ ადგილზე გასული პარტიისთვის მიცემით კნინდება პროპორციული სისტემაზე გადასვლით მიღებული სარგებელი;
• პრეზიდენტის პირდაპირი წესით ამისი მაღალი ლეგიტიმურობის განმსაზღვრელია და ხელისუფლების შტოებს შორის ბალანსის მნიშვნელოვანი წინაპირობა;
• პრემიერ-მინისტრს მთავრობის სრულად შეცვლის უფლება პარლამენტის თანხმობის გარეშე აქვთ, რითაც საპარლამენტო კონტროლი მცირდება;
• პარლამენტს მთავრობის გარეშე უნდა შეეძლოს ბიუჯეტში ცვლილებების შეტანა;
• იუსტიციის საბჭოსთვის უზენაესი სასამართლოს კანდიდატების წარდგენის უფლების სრულად გადაცემა მნიშვნელოვან საფრთხეს შეუქმნის სასმართლოს დამოუკიდებლობას;
• მოსამართლეებისთვის სამწლიანი გამოსაცდელი ვადის იმპერატიული დაწესება სასამართლო დამოუკიდებლობის რისკებს შეიცავს;
• იუსტიციის არამოსამართლე წევრები, ან სულ მცირე ერთ, კვალიფიციური უმრავლესობით უნდა ირჩეოდეს;
• საკონსტიტუციო სასამართლოში მოსამართლეები მოსამართლეთა კონფერენციით უნდა ინიშნებოდნენ;
• მოსამართლეთა არჩევა დასაბუთებული გადაწყვეტილების საფუძველზე უნდა ხდებოდეს, რათა გასაჩივრების შესაძლებლობა არსებობდეს;
• ქორწინების ცნების განმარტება კონსტიტუციაში ნეგატიური ნაბიჯია ადამიანის უფლებების დაცვის კუთხით.

დადებითად შეფასებული ჩანაწერები:

• კონსტიტუციაში ევროპულ და ევროატლანტიკური კურსის ჩაწერა;
• ეკონომიკური თავისუფლების ასახვა და ახალი გადასახადის რეფერენდუმით განსაზღვრის წესის დატოვება;
• დროებით საგამოძიებო კომისიის ფორმირებაში ოპოზიციის როლის გაძლიერება;
• პრემიერის ვალდებულება ყოველწლიური მოხსენებით წარდგეს პარლამენტში;
• მთავრობისთვის უნდობლობის გამოცხადების პროცედურების გამარტივება;
• პროკურატურის დამოუკიდებლობის გარანტიების გაზრდა;
• ქალის და კაცის არსებითი თანასწორობის უზრუნველყოფა;
• საზოგადოებრივი მაუწყებლის დამოუკიდებლობის გარანტია;
• ინტერნეტის ხელმისაწვდომობა;
• მოსამართლისთვის იმუნიტეტის მოხსნის პროცედურა;
• მოსამართლეთა შეუცვლელობის პრინციპი;
• იუსტიციის საბჭოს ფუნდამენტური მიმართულების დადგენა.