ამერიკის შეერთებული შტატების პრეზიდენტმა, დონალდ ტრამპმა მექსიკის ლიდერს წერილი მიწერა. ამის შესახებ ინფორმაციას BBC ავრცელებს.

წერილში ტრამპმა აღნიშნა, რომ მექსიკა სათანადოდ არ ცდილობს შეაჩეროს ნარკოტრეფიკი და ჩრდილოეთ ამერიკა "ნარკოტრეფიკის მოედნად" აქცია. როგორც თავად აღნიშნავს:

"მექსიკა საზღვრის დაცვაში მეხმარება, მაგრამ რასაც ის აკეთებს საკმარისი არ არის," — აღნიშნულია განცხადებაში.

მექსიკის პრეზიდენტმა კლაუდია შეინბაუმმა განაცხადა, რომ მოლაპარაკების გზით შეთანხმების მიღწევა შესაძლებელია.

"გვჯერა, რომ იმაზე დაყრდნობით, რაც ჩვენმა კოლეგებმა გუშინ განიხილეს, აშშ-სთან შეთანხმებას მივაღწევთ და რა თქმა უნდა, უკეთეს პირობებზე შევთანხმდებით", — თქვა მექსიკის პრეზიდენტმა.

ამავდროულად, მან ხაზგასმით აღნიშნა, რომ ერთადერთი რამ, რაც მოლაპარაკებების საგანი არასდროს იქნება მათი ქვეყნის სუვერენიტეტია.

ამ კვირის დასაწყისში თეთრი სახლი კანადას 35%-იანი ტარიფით დაემუქრა. ამჟამად ტრამპის ადმინისტრაციამ ტარიფების პირობები 24 ქვეყანას და ევროკავშირს უკვე წარუდგინა.

დონალდ ტრამპი აცხადებს, რომ EU-სა და მექსიკას 30%-იან ტარიფებს დაუწესებს