"ლონდონის საუთენდის აეროპორტი „სერიოზული ინციდენტის გამო შემდგომ შეტყობინებამდე დაიხურა", — ნათქვამია აეროპორტის განცხადებაში, რომელიც ორშაბათს, 14 ივლისს, ღამით, აეროპორტის X-ზე გამოქვეყნდა.

"აეროპორტის მიმართულებით და აეროპორტიდან ყველა რეისი გაუქმდა, პოლიცია, სამაშველო სამსახურები და საჰაერო შემთხვევების გამომძიებლები ადგილზე იმყოფებიან", — წერია გავრცელებულ ინფორმაციაში..

ბრიტანულმა მედიამ განმარტა, რომ აეროპორტში მცირე სამგზავრო თვითმფრინავი აფრენის შემდეგ ჩამოვარდა.

"Beechcraft King Air B200 სამგზავრო თვითმფრინავი, რომელიც დღის დასაწყისში ხორვატიიდან ჩამოვიდა, აეროპორტიდან ნიდერლანდების ქალაქ ლელისტადისკენ მიემართებოდა", — წერს გაზეთი The Independent თავის ვებსაიტზე.

გამოცემა ესექსის პოლიციის განცხადებას ციტირებს: "ჩვენ მივიღეთ ინფორმაცია ერთი 12 მეტრიანი თვითმფრინავის შეჯახების შესახებ საღამოს 4 საათამდე ცოტა ხნით ადრე... გვსურს, საზოგადოებას ვთხოვოთ, რომ ამ სამუშაოების შესრულებისას, თუ შესაძლებელია, თავი აარიდონ ამ ტერიტორიას".