გურჯაანის მუნიციპალიტეტის სოფელ კარდენახში, მდინარე ალაზანში შუახნის მამაკაცი დაიხრჩო. შემთხვევა დღეს, შუადღით მოხდა.

ცხედარი გურჯაანში, სამხარაულის ექსპერტიზის ეროვნულ ბიუროში გადაასვენეს.

შემთხვევის ადგილზე პოლიცია და სამაშველო ჯგუფები იყვნენ მობილიზებულნი.

როგორც NEWS.On.ge-ს შინაგან საქმეთა სამინისტროში განუცხადეს, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.