უკრაინის პრეზიდენტის ოფისის მრჩევლის, ალექსეი არესტოვიჩის განცხადებით, რუსეთმა თავად უნდა გაარკვიოს რა მოხდა ბელგოროდში. მისი თქმით, უკრაინა თავდაცვით სამუშაოებს აწარმოებს საკუთარ ტერიტორიაზე.

"ჩვენ ვატარებთ თავდაცვით სამხედრო ოპერაციებს ჩვენს ტერიტორიაზე. რუსეთის ხელმძღვანელობა პასუხისმგებელია იმაზე, რაც ხდება რუსეთის ფედერაციის ტერიტორიაზე. თვითონ უნდაა გაარკვიონ რა მოხდა ბელგოროდში", — ამბობს არესტოვიჩი.

პირველ აპრილს გამთენიისას ხანძარი გაჩნდა უკრაინის საზღვართან ახლოს, რუსეთის ქალაქ ბელგოროდში მდებარე ნავთობბაზაზე. რუსული მხარე თავდასხმაში უკრაინას ადანაშაულებს.

უკრაინის საგარეო საქმეთა მინისტრი, დმიტრო კულებამ კი თქვა, რომ თავად ვერც დაადასტურებს და ვერც უარყოფს უკრაინის სავარაუდო მონაწილეობას ბელგოროდში საწვავის საცავზე თავდასხმაში. მისი თქმით, მას არ აქვს ყველა სამხედრო ინფორმაცია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში