NATO-ს გენერალური მდივანი, იენს სტოლტენბერგი აცხადებს, რომ უკრაინის NATO-ში გაწევრიანება დღის წესრიგში არაა, მაგრამ მისი მხარდაჭერა ნამდვილად მთავარია NATO-ს დღის წესრიგში. მისი თქმით, ხვალ სამიტზე სწორედ ეს იქნება მთავარი საკითხი.

"ის, რასაც ახლა ვხედავთ უკრაინაში, ნამდვილად მტკინვეულია, ეს შემზარავია და ჩვენ ვხედავთ საშინელ შედეგებს მშვიდობიანი, სუვერენული ერისთვის. ეს ერთ-ერთი მიზეზია რის გამოც NATO-მ გააძლიერა მხარდაჭერა, მათ შორის საჰაერო თავდაცვით სისტემებით, ტანკსაწინააღმდეგო სისტემებით, სხვადასხვა ტიპის იარაღებით და ნამდვილად უპრეცედენტო დახმარებას ვუწევთ უკრაინას. ეს არის ყველაზე მეტი, რაც აქამდე გაგვიკეთებია. ჩვენ 2014 წლიდან აქტიურ წვრთნებს ვატარებდით უკრაინის ჯარისთვის და ისინი დღეს ბრძოლის წინა ხაზზე არიან. რა თქმა უნდა, უკრაინელი ხალხის და მათი ლიდერების სიმამაცემ ასევე განაპირობა ეს, მაგრამ მე ვფიქრობ, რომ ის წვრთნები, რაც გაიარა უკრაინის ჯარმა, გადამწყვეტ როლს ასრულებს. NATO-ს წევრობა არ არის დღის წესრიგში, მაგრამ უკრაინის მხარდაჭერა ნამდვილად მთავარია ჩვენს დღის წესრიგში და ეს ხვალ ერთ-ერთი მთავარი საკითხი იქნება", — თქვა მან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში