ისრაელის პრემიერმინისტრი ნაფტალი ბენეტი კრემლში რუსეთის პრეზიდენტს, ვლადიმერ პუტინს უკრაინის კრიზისის განსახილველად შეხვდა. მოგვიანებით კი ტელეფონით ესაუბრა უკრაინის პრეზიდენტ ვოლოდიმირ ზელენსკის. ამის შესახებ მისმა წარმომადგენელმა განაცხადა.

როგორც Reuters წერს, მიუხედავად იმისა, რომ ისრაელმა, შეერთებული შტატების ახლო მოკავშირემ, დაგმო რუსეთის შეჭრა უკრაინაში, სოლიდარობა გამოუცხადა კიევს და გაუგზავნა ჰუმანიტარული დახმარება, მან განაცხადა, რომ გააგრძელებს კომუნიკაციას მოსკოვთან იმ იმედით, რომ დაეხმარება კრიზისის შემსუბუქებაში.

მისი წარმომადგენლის განცხადებით, პუტინთან შეხვედრის შემდეგ, ბენეტი გაემგზავრა ბერლინში გერმანიის კანცლერ ოლაფ შოლცთან მოსალაპარაკებლად.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში