მსოფლიო ტაეკვანდოს ფედერაციამ უკრაინაში რუსეთის შეჭრა დაგმო და პრეზიდენტ ვლადიმერ პუტინს შავი ქამარი ჩამოართვა. მათი თქმით, რუსეთის ეს ქმედება ეწინააღმდეგება მსოფლიო ტაეკვანდოს ხედვას, რომ "მშვიდობა ტრიუმფზე ძვირფასია".

ამასთანავე, საერთაშორისო ღონისძიებებზე რუსეთის და ბელარუსის ეროვნული დროშები არ გამოიფინება და მათი ჰიმნებიც არ შესრულდება, მსოფლიო ტაეკვანდო და ევროპის ტაეკვანდოს კავშირი არ მოაწყობენ და არ აღიარებენ ტაეკვანდოს შეჯიბრებებს რუსეთისა და ბელარუსის ტერიტორიაზე.

"მსოფლიო ტაეკვონდოს ფიქრები უკრაინელ ხალხთანაა და ჩვენ ვიმედოვნებთ, რომ ეს ომი მშვიდობით და დაუყონებლივ დასრულდება", — ვკითხულობთ განცხადებაში.

27 თებერვალს ძიუდოს საერთაშორისო ფედერაციამ ვლადიმერ პუტინს საპატიო პრეზიდენტისა და ელჩის სტატუსი შეუჩერა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში