ხერსონზე შეტევა დაიწყო. ინფორმაციას უკრაინული მედია და სახელმწიფო უწყება თვითმხილველებზე დაყრდნობით ავრცელებს.

მოვლენებამდე რამდენიმე საათით ადრე ხერსონის მერმა დაწერა, რომ ხერსონი არის და რჩება უკრაინის ნაწილად. მან პირობა დადო, რომ ქალაქი გაუძლებს და რუსებს არ ჩააბარებენ.

"ხერსონის შემოსასვლელში რუსულმა არმიამ ბლოგპოსტები დააყენა. რთული სათქმელია, როგორ განვითარდება მოვლენები, მაგრამ ჩემს კაბინეტში ვარ, საქალაქო სამსახურებს კოორდინირებას ვუწევ, რომ დილას ყველამ მშვიდ ქალაქში გაიღვიძოს. ჩვენ არავის გვძინავს უკვე რამდენიმე დღეა. ყველა დავიღალეთ, როგორც თქვენ, მაგრამ ეს არ არის მიზეზი იმისა, რომ დაუფიქრებელი ნაბიჯები გადავდგათ. მე რომ ქალაქი "დამეთმო", როგორც ამას ზოგიერთი ჭკვიანი წერს, პირველივე დღეს იგრძნობდით. არ მომაყენოთ შეურაცხყოფა მსგავსი ფანტაზიებით", — აცხადებს იგორ კოლიხაევი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში