უკრაინის ეროვნული ბანკი სამხედროებისთვის სპეციალურ ანგარიშს გახსნის. ამის შესახებ ინფორმაციას პრეზიდენტის ადმინისტრაცია ავრცელებს.

"ეროვნულმა ბანკმა დაამტკიცა გადაწყვტილება, რომ გახსნას სპეციალური ანგარიში, რათა მოიძიოს სახსრები უკრაინის სამხედრო ძალების მხარდასაჭერად, რაც დაიცავს ჩვენს სახელმწიფოს რუსეთის ფედერაციის შეაიარაღებული თავდასხმებისგან", — ვკითხულობთ განცხადებაში.

უწყების ცნობით, ანგარიში მულტიკულტურული იქნება — დონაციის გაკეთება, უკრაინელების გარდა, შეეძლებათ საერთაშორისო პარტნიორებსა და დონორებს უცხოურ ვალუტაში.

ანგარიშის დეტალები:

UA843000010000000047330992708

ამასთან, უკრაინის ეროვნული ბანკის გადაწყვეტილებით, რუსეთის ფედერაციის კონტროლის ქვეშ მყოფ ბანკებს უკრაინაში მუშაობის ლიცენზია ჩამოერთვათ. გადაწყვეტილება ეხება საერთაშორისო სარეზერვო ბანკს, რომელიც 100%-ით ეკუთვნის რუსეთის სბერბანკს და სააქციო კომერციულ სამრეწველო-საინვესტიციო ბანკს ("პრომინვესტბანკი"), რომელიც 99,77%-ით ეკუთვნის სახელმწიფო განვითარების კორპორაციას, VEB.RF

მას შემდეგ, რაც უკრაინის ოკუპირებული ტერიტორიები დამოუკიდებელ რესპუბლიკებად გამოაცხადა, პუტინმა თქვა, რომ "მათ დასაცავად" ჯარებს შეიყვანდა და მალევე უკრაინაში ომი დაიწყო. თავად პუტინი და მისი პროპაგანდისტები ამ ომს სპეციალურ "სამხედრო ოპერაციას" უწოდებენ.

კრემლში ამტკიცებენ, თითქოს მშვიდობიან მოსახლეობას თავს არ ესხმიან, რაც ტყუილია— იბომბება დასახლებები, ბაღები, სკოლები, საავადმყოფოები. რუსეთმა უკრაინას სხვადასხვა ტერიტორიიდან შეუტია და ახლა საომარი მოქმედებები ქვეყნის არაერთ რეგიონსა და ქალაქში მიმდინარეობს, მათ შორის, კიევის ოლქთან. ორივე მხარეს არის დანაკარგები — დაიღუპა ასეულობით მშვიდობიანი მოქალაქე და სამხედრო პირი.

რუსული ჯარები ცდილობენ ხელში ჩაიგდონ მნიშვნელოვანი ობიექტები, უკრაინა მათ წინააღმდეგობას უწევს. სამხედრო მოქმედებებს თან ახლავს კიბერშეტევები, დეზინფორმაციისა და პროპაგანდის ტალღა.

ვოლოდიმირ ზელენსკიმ ქვეყანაში ჯერ სამხედრო მდგომარეობა, შემდეგ კი საყოველთაო მობილიზაცია გამოაცხადა და თქვა, რომ იარაღს მისცემენ ყველას, ვისაც ქვეყნის დაცვა ენდომება. ზელენსკიმ არაერთხელ მოუწოდა პარტრნიორებს დახმარებისა და სერიოზული ნაბიჯების გადადგმისკენ და აღნიშნა, რომ ომი არამხოლოდ უკრაინაში, არამედ ევროპაშია.

ევროკავშირმა, აშშ-მ, დიდმა ბრიტანეთმა, კანადამ, იაპონიამ, ავსტრალიამ, სამხრეთ კორეამ, ტაივანმა, ახალმა ზელანდიამ, გერმანიამ რუსეთს სანქციები დაუწესეს, რომელიც მოიცავს ფინანსურ შეზღუდვებს ფიზიკურ და იურიდიულ პირებზე, რუსულ ელიტაზე, ოლიგაქრებზე, მსხვილ ბანკებზე, ავიაკომპანიებზე. უკრაინა უფრო ეფექტური ნაბიჯების გადადგმას ითხოვს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში