4 ოქტომბრის საქმეზე კიდევ 12 ბრალდებულს გაუფორმდა საპროცესო შეთანხმება. 12 ბრალდებულიდან 11 საპატიმროში კიდევ 4 თვეს გაატარებს, ერთი ციხეს 10 თვის შემდეგ დატოვებს.

განსხვავებით წინა საპროცესო შეთანხმებებისგან, აღნიშნულ ბრალდებულებს სპეცრაზმელებზე თავდასხმაც ედებათ ბრალად, შესაბამისად, პროკურატურამ მათ 1 წლით პატირმობა და 3-წლიანი პირობითი მსჯავრი განუსაზღვრა.

სიმონ მახარაძეს — 1 წლით თავისუფლების აღკვეთა, 3 წლით პირობითი მსჯავრი;

კახაბერ კვაჭანტირაძეს — 1 წლით თავისუფლების აღკვეთა, 3 წლით პირობითი მსჯავრი;

გია თოლორაიას — 1 წლით თავისუფლების აღკვეთა, 3 წლით პირობითი მსჯავრი;

მიხეილ თოლორაიას — 1 წლით თავისუფლების აღკვეთა, 3 წლით პირობითი მსჯავრი;

ავთანდილ თოფჩიშვილს — 1 წლით თავისუფლების აღკვეთა, 3 წლით პირობითი მსჯავრი;

იური ლომიძეს — 1 წლით თავისუფლების აღკვეთა, 3 წლით პირობითი მსჯავრი;

დავით გიუნაშვილს — 1 წლით თავისუფლების აღკვეთა, 3 წლით პირობითი მსჯავრი;

გიორგი ტალახაძეს — 1 წლით თავისუფლების აღკვეთა, 3 წლით პირობითი მსჯავრი;

ბექა მაჭავარიანს — 1 წლით თავისუფლების აღკვეთა, 3 წლით პირობითი მსჯავრი;

გიორგი კირვალიძეს — 1 წლით თავისუფლების აღკვეთა, 3 წლით პირობითი მსჯავრი;

კობა ეპიტაშვილს — 1 წლით თავისუფლების აღკვეთა, 3 წლით პირობითი მსჯავრი;

საბა კორძაიას — 1 წლით და 6 წლით თავისუფლების აღკვეთა, 3 წელი პირობითი მსჯავრი.

4 ოქტომბრის საქმის ამ ეპიზოდს 13 ბრალდებული ჰყავდა. მანუჩარ მიქელაძემ საპროცესოს გაფორმებაზე უარი თქვა და მას 5 წლით თავისუფლების აღკვეთა მიესაჯა.

საპროცესო შეთანხმების გაფორმების შემდეგ, სასამართლო პროცესზე გიორგი კირვალიძემ განაცხადა:

"თავს დამნაშავედ არ ვცნობ, გააუქმეთ [საპროცესო შეთანხმება]. ბიძინას დედასაც შ*****ი" [წყარო "პუბლიკა"]

კირვალიძეს ჯგუფურად სტრატეგიული და განსაკუთრებული მნიშვნელობის ობიექტის ხელში ჩაგდების მცდელობასა და ორგანიზებულ ჯგუფურ ძალადობაში მონაწილეობა ედებოდა ბრალად.

სასამართლო პროცესის შემდეგ საქმის პროკურორმა, როინ ხინთიბიძემ ჟურნალისტებთან განმარტა, რომ კირვალიძის ამ განცახდების შემდეგ, მისი საპროცესო შეთანხმება შესაძლოა 15 დღის ვადაში გადაიხედოს.

"კირვალიძემ პროცესის მიმდინარეობისას აღიარა დანაშაული, განაცხადა, რომ თავს ცნობდა დამნაშავედ წარდგენილ ბრალდებაში. განცხადებით მოგვმართა. მოსამართლემ მიიღო გადაწყვეტილება და გამოეტანა განაჩენი მის მიმართ. განაჩენსი გამოტანის შემდეგ ის გახდა აგრესიული და თქვა, რომ უკან მიჰქონდა აღიარება, თუმცა ასეთი რაღაც არ არსებობს საპროცესო კოდექსში. განაჩენის გამოტანის შემდეგ უარს ვერ იტყვი. ვიმსჯელებთ ამ ყველაფერზე, ასეთი რამ არასდროს არ მომხდარა, არასდროს არავის უთქვამს უარი საპროცესოზე მას შემდეგ რაც დამტკიცდა.

15 დღის განმავლობაში შესაძლებელია მხარემ გაასაჩივროს საპროცესო შეთანხმების შესახებ გადაწყვეტილება, თუ ბრალდებულმა დაარღვია საპროცესო შეთანხმების პირობა," — განაცხადა პროკურორმა.