საფრანგეთის პრეზიდენტის, ემანუელ მაკრონის განცხადებით, უკრაინაში ცეცხლის შეწყვეტის შუამავლობისთვის მზად არის.

"ვფიქრობ, ჩემი პასუხისმგებლობაა, უპირველეს ყოვლისა, მივიღო მონაწილეობა ასეთ ინიციატივებში, როდესაც ამას უკრაინა მოითხოვს, რათა დაგმობის, სანქცირების, მოქმედების გაგრძელებაზე გადაწყვეტილების მიღების პროცესში ეს გზა ღია დავტოვო. ამგვარად, პირობების შესაძლო დაკმაყოფილების შემთხვევაში, ჩვენ უკრაინაში, შეიძლება, საომარი მოქმედებების შეწყვეტა მივიღოთ", — განაცხადა მან.

მაკრონმა რუსეთის პრეზიდენტი, ვლადიმერ პუტინი ორმაგობაში დაადანაშაულა. მისი განცხადებით, ის და სხვა ევროპელი ლიდერები მინსკის შეთანხმების შესრულების დეტალებს განიხილავდნენ, მან კი რამდენიმე საათში ომი დაიწყო.

მაკრონი პირველი დასავლელი ლიდერი იყო, რომელიც სამხედრო მოქმედებების დაწყების შემდეგ პუტინს ესაუბრა. მისი თქმით, ამით დიდ წარმატებას ვერ მიაღწია, რადგან "რუსეთის პრეზიდენტმა ომი აირჩია".

პუტინმა უკრაინაში ომი 24 თებერვალს დაიწყო, რომელსაც თავად სპეციალურ "სამხედრო ოპერაციას" უწოდებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

გაიგეთ მეტი: